Charter Document - 06790056
| Charter Number: | 06790056 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1226 - 1234 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte Matris ecclesie filiis presens scriptum uisuris uel audituris Thebaldus filius Willelmi filii Clementis Salutem Sciant presentes et futuri me diuine caritatis intuitu dedisse et concessisse et hac carta mea confirmasse deo et beate Marie et beato Iohanni apostolo et euangeliste et abbati et conuentui de Insula Missarum in puram et perpetuam elemosinam unum toftum sex percatarum longitudinis et sex latitudinis cum duabus acris terre in uilla mea Petlandi uidelicet in agro qui dicitur fitheleres flat et cum communi pastura octo uaccarum et sexaginta ouium et duorum equorum et cum omnibus aliis communibus aisiamentis predicte uille Tenendum sibi in perpetuum de me et heredibus meis libere quiete plenaria et honorifice Ego uero et heredes mei hanc eandem elemosinam eis contra omnes homines warantizabimus et liberam et quietam ab omni onere et exaccione et seruicio seculari faciemus In huius rei testimonium huic scripto sigillum meum apposui Vt autem hec mea donatio perpetuis rata temporibus permaneat ad hoc assensum serenissimi domini mei Roberti comitis de stradhern impetraui qui et in signum sui assensus hanc ipsam meam donationem ad mee supplicationis instantiam sigilli sui testimonio confirmauit Testibus Domino fergus filio comitis Domino Rogero de luuetoft Domino Ricardo milite Magistro C persona de Mugedha Henrico rennario Macbeth mor Waltero clemente fratre meo et Multis aliis