Charter Document - 06790055
| Charter Number: | 06790055 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1226 - 1234 |
| Date type: | Assigned |
| Resource Link(s): |
People of Medieval Scotland |
Charter:
Robertus comes de Stratheryn omnibus hoc scriptum visuris vel audituris salutem Nouerit vniuersitas vestra me concessisse et hac mea carta confirmasse deo et beate marie et beato Iohanni apostolo et euangeliste et Abbati et conuentui de insula missarum illas sex acras terre quas nigellus de lutoft eis dedit in territorio de Dolpatrik et illud toftum et illas tres acras terre quas Henricus filius Trestram dedit eis in villa sua de kyntochir cum communi pastura quinque vaccarum et vnius equi et cum omnibus alijs communibus aysiamentis eiusdem ville ad tantam pertinentibus terram Que videlicet predicta prenominati Nigellus et Henricus ultimum suum facientes testamentum memoratis Abbati et conuentui pro redempcione animarum suarum in perpetuam et liberam ab omni seruicio diuiserunt elemosinam Quare volo vt ipsi Abbas et conuentus toftum predictum et acras predictas cum prefatis pertinencijs teneant et possideant inperpetuum libere et quiete ab omni seruicio et exaccione seculari hijs testibus domino Ricardo Milite meo Domno M et Ricardo capellanis meis Bricio de Dunyne Gilbertus de Morauia Willelmo clemente P coco B de kyntochir R decimaris et Multis alijs