Charter Document - 06790052
| Charter Number: | 06790052 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1223 - 1225 |
| Date type: | Assigned |
| Resource Link(s): |
People of Medieval Scotland |
Charter:
Robertus comes de stradhern Omnibus hoc scriptum uisuris uel audituris salutem Scient presentes et futuri me dedisse et concessisse et hac carta mea confirmasse Deo et beate marie et beato Johanni apostolo et euangeliste de insula missarum et abbati et canonicis ibidem deo seruientibus et seruituris in puram et perpetuam elemosinam terram que dicitur Rath scilicet quartam partem tocius Dunphalin cum omnibus iustis pertinenciis suis in bosco et plano in pratis et pascuis in moris et maresiis in aquis et molendinis et cum communi pastura et omnibus aliis communibus aisiamentis terrarum mearum prenominate terre uicinarum Tenendum de me et heredibus meis libere et quiete ab omni seruicio et exaccione seculari excepto solummodo auxilio domini regis quando scilicet ipse dominus rex commune auxilium super totum regnum posuerit Ego uero et heredes mei totum reliquum forinsecum seruicium domini regis quod ad illam terram pertinet pro eis perpetuo faciemus Hiis testibus Abraham Dunblanensi episcopo domino Fergus et malisio fratribus meis Gilbertus Archidiacono Malisio senescallo [meo] Macbeth iudice et multis aliis