Charter Document - 06790051
| Charter Number: | 06790051 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1223 - 1225 |
| Date type: | Assigned |
| Resource Link(s): |
People of Medieval Scotland |
Charter:
Robertus Comes de Stratheren Omnibus hoc scriptum visuris uel audituris salutem Sciant presentes et futuri me concessisse et hac Carta mea confirmasse deo et Beate Marie et Beato Iohanni Apostolo de Incheaffren et Canonicis eiusdem loci eorumque successoribus tenendum sibi de me et heredibus meis in Puram et perpetuam elemosinam Omnes Ecclesias terras Possessiones libertates Rectitudines Consuetudines Aisiamenta et Decimas omnimodas in domo nostra et in terris nostris et Cetera omnia que prenominatus Comes dominus et Pater meus eisdem Canonicis dedit et concessit et per Cartas suas inde factas confirmauit Ita libere et quiete Plenaria et honorifice et integre sicut in eisdem Cartis patris mei et meis continetur Preterea concedo predictis Canonicis et eis perpetuo de me et heredibus meis inconcusse tenendum presenti Carta confirmo quatinus nullus nostrum det uel aliquo modo conferat alicui terram uel quicquam aliud nisi saluis elemosinis et Rectitudinibus ad ipsos Canonicos de iure pertinentibus hiis testibus Abraham Episcopo Dunblanensi Gilleberto archidiacono de stratheren Fergus Malisio Gilleberto fratribus meis Bricio Persona de Cref Mackebet more Donecano et Gillethoma filiis Malisii et Multis aliis