Charter Document - 06790049
| Charter Number: | 06790049 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1214 - 1225 |
| Date type: | Assigned |
| Resource Link(s): |
People of Medieval Scotland |
Charter:
Hugo dei gracia episcopus Dunkeldensis vniuersis sancte Matris ecclesie filijs salutem sciant omnes presentes et futuri nos concessisse et hac carta nostra confirmasse Deo et ecclesie sancti Iohannis de Inchaffryn et fratribus ibidem deo seruientibus et seruituris terram nostram in Maddyrnyne que terra vocatur Abthen per suas rectas diuisas cum omnibus justis pertinencijs suis Tenendam de nobis predictis fratribus inperpetuum Reddendo nobis et successoribus nostris annuatim vnam Marcam argenti scilicet dimidium ad Penticosten et dimidium ad festum sancti Martini Volumus itaque vt Idem fratres predictam terram teneant et possideant de nobis et de successoribus nostris Ita libere et quiete plenaria et honorifice ab omni exaccione et consuetudine et seruicio seculari ad nos pertinente in bosco et plano in pratis et pascuis in aquis et molendinis et in omnibus alijs aysiamentis ad eandem terram pertinentibus sicut aliqua terra in episcopatu nostro liberius plenius et honorificencius tenetur et possidetur salua duntaxat predicta pencione Testibus hijs Magistro henrico Archidiacono nostro Magistro Roberto de Raperes laue Magistro Iohanne de hetona Adam de Prebenda Gilleberto capellano de Aberlauedy canonicis Dunkeldensibus Ewgenio persona de Clonyn Bernardo capellano de kergille hugone Abbraham capellanis nostris Berengario et Alano clericis nostris et Multis alijs