Charter Document - 06790047
| Charter Number: | 06790047 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1221 - 1223 |
| Date type: | Assigned |
| Resource Link(s): |
People of Medieval Scotland |
Charter:
Uniuersis sancte Matris ecclesie filijs hoc scriptum visuris vel audituris Robertus filius Gilberti comitis de stratheryn eternam in domino salutem Nouerit vniuersitas vestra me fideliter promisisse et me ipsum obligasse erga domnum Innocencium Abbatem et conuentum de insula missarum fide mea interposita in manu Domni Abbrahe Episcopi Dunblanensis coram viris fide dignis scilicet Gilberto archidiacono Dunblanensi et Cristino fratre ejus Duncano filio Ade Milite de Fiff Milisio senescallo de stratheryn B[r]icio persona de Creffe et malisio filio eius Makbeth judice et multis alijs in ecclesia de strogeth quod nunc quam in tota vita mea prefatum Abbatem vel conuentum iniuste vexabo Inmo ipsos tanquam amicos meos specialissimos diligam et in omni loco honorabo et domum predictam saluis iure et honore meo per consilium amicorum meorum quantum potero ac crescam Et eis ecclesias de Gask et de strogeth et omnes alias ecclesias terras possessiones libertates rectitudines consuetudines aysiamenta et decimas omnimodas et cetera omnia que in cartis prenominati comitis domini et patris mei et meis continentur sicut e[e]dem carte testantur benigne concedens et hac carta mea confirmans eis hec omnia contra omnes homines warantizabo et eos quite et pacifice ipsa possessione tenere faciam Preterea si aliquid eis latrocinium furtum iniuria vel uexacio aliqua illata fuerit jus eorum tanquam meum proprium et sicut patronus domus in omnibus prosecuturus et iniurias vindicaturus causam eorum manu tenebo et iniuriosos ad satisfaciendum eis secundum posse meum constringam et ab eis nullam pacem vel concordiam admittam nisi cum consilio ipsorum Abbatis et conuentus et nisi saluis eorum plenaria jure et honore vt hec autem mea concessio et confirmacio rata et inconcussa permaneat presens scriptum sigilli mei et sigillorum predicti domini Abbre episcopi Dunblanensis et domini hugonis Episcopi Dunkeldensis et Domini hugonis Abbatis de sancto seruano et domini Fergusij fratris mei qui huius testes sunt apposicione dignum dux[i] roborare