Charter Document - 06790046
| Charter Number: | 06790046 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1221 - 1223 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris Ecclesie filiis presens scriptum uisuris uel audituris Ysenda sponsa Comitis Gilleberti de Strathern salutem Sciatis me diuine caritatis intuitu per consensum prenominati Comitis domini mei dedisse et concessisse et hac carta mea confirmasse Abbati et Canonicis de Insula Missarum quinque acras terre in uilla mea de Abercharni illam scilicet terram quam eisdem Abbati et Canonicis probis hominibus presentibus perambulaui videlicet domino Ricardo Milite et Galfrido de Gasc fratribus meis henrico et Tristrem filiis tristrem Willelmo clerico Comitis et multis aliis tenendum sibi in perpetuam elemosinam libere et quiete ab omni seruicio et exaccione seculari cum communi pastura duodecim vaccarum et duorum equorum et cum omnibus aliis aisiamentis eiusdem territorii ad tantam terram pertinentibus In Huius Rei testimonium quoniam eo tempore quo hec carta facta fuit sigillum proprium non habui huic scripto sigillum Domini Abrahee Dunblanensis Episcopi qui huius donacionis testis est quod ad hoc ipse michi accommodauit apposui vt hec autem mea donacio in perpetuum Rata et inconcussa habeatur hanc cartam prenotatus Comes Dominus meus in signum sui consensus sigilli sui apposicione Roborando confirmauit Hiis testibus Domno Abraham Dunblanensi episcopo Gilbertus Archidiacono de Stradhern Malisio senescallo Comitis Macbet judice T filio arnaldi et multis aliis