Charter Document - 06790044
| Charter Number: | 06790044 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1220 |
| Date type: | Assigned |
| Resource Link(s): |
|
Charter:
Gilbertus filius ferthet comes de strathern Omnibus amicis suis et hominibus has litteras uisuris uel audituris Salutem Sciatis quod dedi et concessi deo et Sancto Iohanni de Incheaffren et priori et canonicis ibidem deo seruientibus et seruituris hane libertatem in perpetuam elemosinam vt cum aliqua querela que ad curiam meam debet spectare mota fuerit super aliquem hominem manentem in terris eorum non trahatur de terris eorum ad respondendum alibi sed teneant libere curiam suam prefatus prior et canonici in terra sua ubicumque uoluerint et per quoscumque eis placuerit Precor etiam amicos meos et hominibus et bailliuis meis scilicet senescallo et Iudici meo precipio quatinus cum necesse fuerit et requisiti fuerint a prefato priore et canonicis omni occasione et dilatione remota in fidelitate quam michi debent ueniant ad prefatos priorem et canonicos et teneant curiam canonicorum ubi canonicis placuerit sicut meam propriam Ita ut prefati prior et canonici habeant omnia foris facta et omnia que ad curiam meam pertinent salua michi et heredibus meis iustitia corporum Do eis etiam licentiam capiendi namos de firmariis meis pro decima que eis contingit de dono decime mee si forte ad terminos statutos non persoluerint Precipio etiam firmiter super foris factum meum seruientibus meis nequis eorum infra terras prefati prioris et canonicorum uiolentiam uel disturbationem aliquam faciant nec aliquid exigant nisi per eorum uoluntatem et licentiam Et ut hec libertas et concessio mea a me et heredibus meis rata et inconcusse habeantur in perpetuum presens scriptum sigilli mei appositione roboraui Hiis testibus Domno Willelmo Abbate de scona Roberto priore eiusdem loci Iohanne et Ricardo et cungi capellanis meis Malisio senescallo meo Willelmo clerico Henrico filio tristram Et multis aliis