Charter Document - 06790043
| Charter Number: | 06790043 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1219 - 1221 |
| Date type: | Assigned |
| Resource Link(s): |
People of Medieval Scotland |
Charter:
Gilbertus filius ferthet Comes de strathern Omnibus amicis suis et hominibus has litteras uisuris uel audituris salutem Sciatis quod dedi et concessi deo et sancto iohanni De incheaffren et priori et canonicis ibidem deo seruientibus et seruituris hanc libertatem in puram et perpetuam elemosinam vt cum aliqua querela que ad curiam meam debet spectare mota fuerit super aliquem hominem manentem in terris eorum non trahatur de terris eorum ad respondendum alibi set teneant libere placita sua prefatus prior et canonici in terra sua ubicumque uoluerint et per quoscumque eis placuerit Precor eciam amicos meos et hominibus et bailliuis meis scilicet senescallo et iudici meo precipio quatinus cum necesse fuerit el requisiti fuerint a prefato priore et canonicis omni occasione et dilatione remota in fidelitate quam michi debent ueniant ad prefatos priorem et canonicos et teneant placita canonicorum ubi canonicis placuerit sicut mea propria Ita ut prefati prior et canonici habeant omnia foris facta et omnia que ad curiam meam pertinent salua michi et heredibus meis iusticia corporum Do eciam eis licentiam capiendi nanos de firmariis meis pro decima que eis contingit de dono decime mee si forte ad terminos statutos non persoluerint Precipio etiam firmiter super foris factum meum seruientibus meis ne quis eorum infra terras prefati prioris et canonicorum uiolentiam uel disturbationem aliquam faciant nec aliquid exigant nisi per eorum uoluntatem et licenciam Et ut hec libertas et concessio mea a me et heredibus meis rata et inconcusse habeantur inperpetuum presens scriptum sigilli mei appositione roboraui Hiis testibus Domino Willelmo abbate de scona Roberto priore eiusdem Loci Iohanne et Ricardo et cungi capellanis meis Malisio senescallo meo Willelmo clerico meo Henrico filio tristram et multis aliis