Charter Document - 06790041
| Charter Number: | 06790041 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1219 - 1221 |
| Date type: | Assigned |
| Resource Link(s): |
People of Medieval Scotland |
Charter:
Robertus filius Gilleberti comitis de stratheren Omnibus dilectis amicis suis presens scriptum visuris uel audituris salutem Sciant tam presentes quam futuri me pro salute anime mee et patris mei et matris mee et antecessorum meorum concessisse et hoc presenti scripto meo confirmasse donationem illam quam fecit predictus comes pater meus Deo et Sancte Marie et Sancto Iohanni de Incheaffren et canonicis ibidem deo seruientibus et seruituris de hijs terris scilicet adlunxi et ardewanj et ardbanj et dofindre et balfur et balmakilleoen et de tribus acris terre illius que proxima est Marisco de foulis uersus aquilonem et de villa qui dicitur Ruuehalach et de tanto Marisij de foulis adjacente prenominate Insule quantum vallatum est ab eis fossato Anno ab incarnatione dominj MCCXIX et de vno Molendino super heren apud dunfallin quod firmauerunt iuxta Molendinum predictj comitis patris mej cum omnj aisiamento cum quo firmatum est anno ab incarnatione domini MCCXIX Et ut hec omnia prefati canonicj teneant et possideant in puram et perpetuam elemosinam jn bosco et plano et in terris et aquis in pratis et pascuis in moris et mariscjs in stagnis et molendinis et piscarijs per omnes rectas suas diuisas cum omnibus iustis pertinentijs suis Ita libere et quite plenaria et honorifice sicut carta prenominatj comitis patris mei testatur et confirmat presens scriptum predictis canonicis sigilli mei munimine roborauj Preterea cum omnibus hijs pretaxatis concedo eis et confirmo has ecclesias quas pater meus eis donauit scilicet Ecclesiam sanctj patricij de struget Ecclesiam Sanctj Seruanj de dunin Ecclesiam sanctj Beanj de foulis ecclesiam sanctj Beanj de kinkelle ecclesiam sancti katanj de aberrothuin Ecclesiam Sanctj Mohessoc de vterardouer ecclesiam sanctj Seruanj de Moydeuard ecclesiam sancti Seruanj de tulliedene Ecclesiam Sancte brigide de killbrigde ecclesiam sanctj ydarnasij de Madornj Tenendas et possidendas sibj et successoribus suis cum terris et pasturis et herbagijs et alijs iustis pertinentijs suis et esiamentis in puram et perpetuam elemosinam Ita libere et quiete plenaria et honorifice sicut carta sepe dictj comitis patris mej testatur et confirmat Hijs testibus Abraham dunblanensi episcopo Willelmo abbate de scona Gilleberto archidiacono de strathern fergus Malisio Gilleberto fratribus meis Malisio senescallo predicti patris mej Iordano senescallo meo Bricio persona de cref dunecano et Gilletoma filijs malisij Gillecrist fllio iudicis de stratheren henrico Rennario patris mej et Multis alijs