Charter Document - 06790040
| Charter Number: | 06790040 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1220 - 1221 |
| Date type: | Assigned |
| Resource Link(s): |
People of Medieval Scotland |
Charter:
Allexander Dei gracia Rex scottorum omnibus probis hominibus tocius terre sue clericis et laicis salutem Sciant presentes et futuri me concessisse et hac carta mea confirmasse deo et sancte Marie et ecclesie sancti Iohannis apostoli et euangeliste apud Inchafryn et canonicis ibidem deo seruientibus et seruituris dona que comes Gilbertus de stratheryn fundator ipsius ecclesie pia deuocione eis dedit scilicet Inchaffryn Achinluxiche et Ardewny et Ardbany et Dufiynder et balfur et Balmakgillon et tres acras terre illius que proxima est Marresio de fowlis versus aquilonem et villam que dicitur Ruhalach quam Idem comes dedit eis pro decimis lucrorum suorum que prouenient ei et heredibus suis de placitis et querelis de comitatu suo saluis eisdem canonicis decimis que predicto comiti et heredibus suis aliunde euenerint et de Maresio de Fowlis sicut continetur in carta ipsius comitis et vnum Molendinum super Eryn apud Dunfallyn sicut similiter continetur in carta ipsius comitis et preterea decimam omnium canorum et Redituum ipsius comitis in frumento farina grano brasio casiis et omnibus cibariis que annuatim expenduntur in curia eius et decimam tocius piscis que ad quo quinam ipsius defertur et decimam venacionis sue licenciam quoque piscandi in Peffryn vbicumque voluerint et capiendi in nemoribus ipsius comitis vbi eis magis oportunum fuerit materiem ad edificacionem domorum suarum et vtencilium et ad pastum ignis concedo eciam et confirmo deo et dictis canonicis ecclesiam sancti Patricii de strogeth ecclesiam sancti seruani de Dunyn ecclesiam sancti kattani de Abruthfen ecclesiam sancti Makkessani de ouchtirardore ecclesiam sancti Beani de kynkelle ecclesiam sancti Beani de Fowlis ecclesiam sancti Ethirnani de Maddirnyne ecclesiam sancti seruani de Moyheuard ecclesiam sancte Brigide de kylbryde Quare volo vt predicta ecclesia et canonici eiusdem loci omnia prescripta teneant et possideant in puram et perpetuam elemosinam cum omnibus justis pertinenciis suis ita libere et quiete plenaria et honorifice sicut carte ipsius comitis eis inde facte testa[n]tur saluo seruicio meo Testibus Willelmo Abbate de scona Willelmo de Boscho cancellario meo Waltero filio Alani senescallo henrico de Bayleyhef Waltero de fontibus henrico de streuyllyn filio comitis dauid Johanne de haya Waltero Cumin Allexandro de setona Willelmo de lyndesay filio Walteri de lyndesay apud Sconam quinto die Januarii