Charter Document - 06790039
| Charter Number: | 06790039 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1219 - 1221 |
| Date type: | Assigned |
| Resource Link(s): |
People of Medieval Scotland |
Charter:
Vniuersis sancte Matris ecclesie filijs et fidelibus Gillebertus comes de stratheren salutem Nouerit uniuersitas uestra me quandam domum fundasse in honorem dei et sancte Marie et sancti Iohannis apostoli et euuangeliste in terra mea apud Incheaffren ibique canonicos regulares posuisse Ad cuius domus fundationem et canonicorum sustentationem sciatis me dedisse et concessisse et hac carta mea confirmasse canonicis ibidem deo seruientibus et seruituris achadlunxech et ardeweni et ardbani et dofindre et balfur et balmacgillon et tres acras terre illius que proxima est Marisco de foulis versus aquilonem Et villam que dicitur Ruuehalach quam dedi eis pro decimis lucrorum meorum que prouenient michi et heredibus meis de placitis et querelis de comitatu meo De lucris autem que michi et heredibus meis aliunde euenerint eis decimas plenaria persoluemus et tantum de Maresio de foulis adiacente prenominate Insule quantum uallatum est ab eis fossato anno ab incarnatione domini MCCXIX et vnum Molendinum super heren apud dunfallin quod firmauerunt Iuxta meum Molendinum cum omni asiamento quod firmatum est anno ab incarnatione domini MCCXIX Hec autem omnia uolo ut prefati canonici habeant teneant et possideant In puram et perpetuam elemosinam In bosco et plano in terris et aquis in pratis et pascuis in Moris et Maresijs in stagnis et Molendinis et piscarijs per omnes rectas suas diuisas cum omnibus iustis pertinentiis suis Ita libere et quiete plenaria et honorifice sicut aliqua elemosina in toto regno scotie ab aliquo comite uel barone liberius quietius plenarius et honorificentius tenetur et possidetur Ego uero et heredes mei totum forinsecum seruitium domini regis quod ad prenominatas terras pertinet inperpetuum acquietabimus Preter hec autem adieci ad honorem dei et promotionem loci et prefatorum canonicorum sustentationem Ecclesiam Sanctj Patricij de strugeth Ecclesiam sancti Seruanj de dunin Ecclesiam Sanctj katanj de aberrothuin Ecclesiam Sanctj Mohessoc de vchterardouer Ecclesiam Sanctj Beanj de kinkelle Ecclesiam Sancti Beani de foulis Ecclesiam sancti Iphernanj de Madernj Ecclesiam Sanctj Seruanj de Moydeuard Ecclesiam Sancte Brigide de kilbrigde Tenendas sibi et successoribus suis cum terris et pasturis et herbagijs et omnibus alijs iustis pertinentijs suis et aisiamentis In puram et perpetuam elemosinam Ita libere et quiete plenaria et honorifice sicut aliqui religiosi aliquas ecclesias in toto Regno scotie liberius quietius plenarius et honorificentius tenent et possident ex dono alicuius comitis uel Baronis Hijs testibus Abraham Dunblanensi episcopo Willelmo abbate de scona Gilleberto archidiacono de stratheren Roberto fergus Malisio Gilleberto filijs meis Malisio senescallo meo Briccio persona de cref Donecano et Gillethoma filijs Malisij Donecano filio brani Gillecrist filio iudicis de stratheren Henrico Rennario meo Tristram filio tristram Constantino dapifero Thebaldo dispensario meo et multis alijs