Charter Document - 06790030
| Charter Number: | 06790030 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1210 - 1223 |
| Date type: | Assigned |
| Resource Link(s): |
People of Medieval Scotland |
Charter:
Abraham dei gratia Dunblainensis episcopus Vniuersis sancte matris ecclesie filijs Salutem et benedictionem Sciatis nos presentatione Gilbertus comitis de strathern Dedisse et concessisse et hac carta nostra confirmasse deo et sancto Iohanni apostolo et euuangeliste de Incheaffren et Canonicis ibidem deo seruientibus et seruituris ecclesiam sancti Cathani de Aberrotheuin in puram et perpetuam elemosinam Tenandam sibi cum omnibus iustis pertinentijs suis et obuentionibus omnimodis in proprios vsus suos Ita libere et quiete plenaria et honorifice sicut aliqui Religiosi in toto Regno scotie suas ecclesias liberius quietius plenarius et honorificentius tenent et possident saluis episcopalibus nostris His testibus Gilbertus Comite Malisio fratre eius Roberto filio comitis fergus fratre ejus Gilleberto archidiacono Bricio persona de Cref Malisio persona de foules Willelmo capellano episcopi Malisio persona de killebride Ricardo capellano comitis Ricardo Milite Malisio senescallo Et Multis alijs