Charter Document - 06790028
| Charter Number: | 06790028 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1210 - 1212 |
| Date type: | Assigned |
| Resource Link(s): |
People of Medieval Scotland |
Charter:
G[ilbertus] Comes de Strathern Omnibus amicis et hominibus suis clericis et laicis presentibus et futuris salutem Sciatis me dedisse et concessisse et hac mea carta confirmasse deo et sancto Iohanni [apostolo] et evangeliste de Incheaffren et canonicis ibidem deo seruientibus et seruituris pro dei amore et pro salute anime mee et uxoris mee antecessorum meorum et heredum meorum ecclesiam sancti Beani de foulis cum Omnibus iustis pertinentiis suis in decimis et oblacionibus et obuentionibus cum dotali terra ecclesie cum communi pastura parochie ceterisque aisiamentis ad predictam ecclesiam pertinentibus in puram et perpetuam elemosinam ad habendum et tenendum et possidendum sibi et successoribus suis de me et heredibus meis in proprios usus perpetualiter ita libere quiete plenaria et honorifice sicut liberius quietius plenarium et honorificentius aliqui religiosi in toto regno Scotie ecclesias suas habent tenent et possident Hiis Testibus domino Abraham dunblanensi electo Gilberti eiusdem loci archidiacono Malisio fratre meo Mataldis comitissa Roberto filio et herede meo et aliis filiis meis Bricio persona de Cref Gilla senescallo meo et Malisio filio suo Willelmo de haia clerico meo