Charter Document - 06790023
| Charter Number: | 06790023 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1203 - 1210 |
| Date type: | Assigned |
| Resource Link(s): |
People of Medieval Scotland |
Charter:
Ricardus dei gracia Dunkeldensis episcopus vniuersis sancte Matris ecclesie filijs salutem sciant presentes et futuri nos concessisse et hac carta nostra confirmasse deo et ecclesie sancti Johannis apostoli de Incheaffran et fratribus ibidem deo seruientibus et seruituris terram nostram in Madernin que terra uocatur Abthen per suas Rectas diuisas cum omnibus justis pertinencijs suis ad peticionem comitis Gilberti de stratherne et fratris eius Malisio in redemptionem anime nostre et antecessorum nostrorum et predicti comitis Gilberti et suorum Tenendam predictis fratribus et eorum successoribus in liberam et perpetuam elemosinam Reddendo nobis et successoribus nostris annuatim unam Marcam argenti scilicet dimidium ad penticosten et dimidium ad festum sancti Martini volumus Itaque et precipimus vt hijdem fratres predicti et eorum successores predictam terram teneant et possideant de nobis et successoribus nostris Ita libere et quiete plenaria et honorifice ab omni exactione et consuetudine et seruicio seculari ad nos pertinente in boscho et plano in pratis et pascuis in aquis et molendinis et omnibus alijs aisiamentis ad eandem terram pertinentibus sicut aliqua terra in episcopatu nostro liberius plenius et honorificencius tenetur et possidetur et sicut carta Johannis episcopi predecessoris nostri testatur salua tamen predicta pencione Hijs testibus henrico Archidiacono nostro Radulfo Bernardo et Thoma capellanis nostris ludouico et Johanne clericis nostris Bricio persona de Chrefe Roberto capellano de Tubermora Gilberto filio Archidiaconi de stratheryn