Charter Document - 06790022
| Charter Number: | 06790022 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1203 - 1204 |
| Date type: | Internal, A.D., Regnal |
| Resource Link(s): |
People of Medieval Scotland |
Charter:
Willelmus dei gratia Rex Scottorum Omnibus probis Hominibus totius terre sue clericis et laicis salutem Sciant presentes et futuri me concessisse et hac carta mea confirmasse deo et ecclesie sancti Johannis evangeliste de incheaffren et Canonicis ibidem Deo seruientibus et seruituris donationem illam quam Comes Gillebertus eis fecit de ecclesia de Dunine cum omnibus iustis pertinentijs suis et de ecclesia sancti Seruani de Monewarde cum omnibus iustis pertinentijs suis Tenendis in liberam et puram et perpetuam elemosinam ita libere et quiete plenaria et honorifice sicut Carte predicti Comitis Gilleberti inde facte iuste testantur Testibus Waltero Capellano meo Willelmo Cumin Willelmo de boscho et Hugone clericis meis adam Hastenge apud Hadingtun xxiiij die aprilis