Charter Document - 06790021

Innocentius episcopus seruus seruorum dej Dilectis filiis Priorj et Canonicis Monasterij sanctj Iohannis Apostoli et Euangeliste de Inche Affrem salutem et apostolicam benedictionem Solet annuere sedes apostolica piis uotis et honestis petentium precibus fauorem beniuolum impertiri Ea propter dilecti in domino filij uestris iustis postulationibus clementer annuimus et Monasterium sancti Iohannis Apostoli et Euangeliste de Inche Affrem in quo diuino mancipatj estis obsequio sub beatj petri et nostra protectione suscipimus et presentis scripti patrocinio communimus Preterea quascumque possessiones quecumque bona idem Monasterium impresentiarum iuste et canonice possidet aut in futurum concessione pontificum largitione Regum uel principum oblatione fidelium seu aliis iustis modis prestante domino poterit adipisci firma uobis uestrisque successoribus et illibata permaneant In quibus hec propriis duximus exprimenda uocabulis locum ipsum in quo prefatum Monasterium situm est cum omnibus pertinentiis suis Ecclesias sancti katani de Aberuotheuen sancti Ethernani de Madernin sancti Patricii de Strufgeath sancti Mekesseoc de Efferdardeuar de Donine et sancti Beani de kinkel cum omnibus pertinentiis earum Ex dono dilectj filij nobilis uirj Gilebertj Comitis de Stradhern ius patronatus predictarum ecclesiarum Molendinum super pefrin in Balemacgillon decimam omnium canorum suorum et redituum in frumento farina brasio grano Caseis Carnibus et omnibus cibariis que annuatim expenduntur in curia sua et omnium piscium quj ad coquinam deferuntur ipsius Decimam etiam uenationis sue et omnium lucrorum que de placitis suis et rebus aliis prouenire noscuntur Licentiam quoque piscandi in peferin ubicumque uolueritis Ex dono eiusdem in nemoribus suis ubi uobis magis fuerit oportunum Materiam pasnagium Cortices et ligna ad ignem necessaria Tres Acras terre que proxima est Insule uersus aquilonem quas ad edificationem ecclesie uestre concessit Totam terram de Ardeuganj totam terram de Achatlongsi totam terram de Duuinder et totam terram de Madernine que Abthein antiquitus uocabatur cum omnibus rectis diuisis et pertinentiis earundem in bosco plano Terris Aquis pratis pascuis Maresiis peteriis viuariis stangnis Molendinis sicut in eius autenticis plenius continetur Ex dono quondam Orable matris seer de Quinci octo acras terre in territorio de Gasgt Libertates quoque et immunitates antiquas et rationabiles consuetudines ecclesie uestre concessas et hactenus obseruatas ratas habemus et eas perpetuis temporibus illibatas permanere sancimus Liceat quoque uobis clericos uel laicos liberos et absolutos e seculo fugientes ad conuersionem recipere et eos absque contradictione aliqua retinere Prohibemus insuper ut nulli fratrum uestrorum post factam in Monasterio uestro professionem fas sit sine prioris suj licentia de eodem loco discedere discedentem uero absque communium litterarum uestrarum cautione nullus audeat retinere Cum autem generale interdictum terre fuerit liceat uobis clausis januis exclusis excommunicatis et interdictis non pulsatis campanis suppressa uoce officia celebrare diuina Ad hec auctoritate presentium inhibemus ut nulli liceat in uos uel ecclesiam uestram sine manifesta et rationabili causa excommunicationis uel interdictj sententiam promulgare Ad indicium autem huius a sede apostolica protectionis obtente bizantium unum gratis oblatum nobis nostrisque successoribus annis singulis persoluetis Decernimus ergo ut nulli omnino hominum liceat hanc paginam nostre protectionis confirmationis et inhibitionis infringere uel ei ausu temerario contraire Siquis autem hoc attemptare presumpserit indignationem omnipotentis dej et beatorum petri et Pauli apostolorum eius se nouerit incursurum Datum ferentini ij kalendas Julij Pontificatus nostri Anno sexto