Charter Document - 06790017
| Charter Number: | 06790017 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 |
| Date type: | Internal, A.D. |
| Resource Link(s): |
People of Medieval Scotland |
Charter:
Gilbertus comes de Stratheryn omnibus sancte Matris ecclesie filiis hoc scriptum visuris vel audituris salutem Nouerit vniversitas vestra me dedisse et concessisse et hac carta mea confirmasse deo et beate Marie et beato Johanni apostolo et canonicis de Inchaffryn in puram et perpetuam elemosinam de me et heredibus meis decimam omnium firmarum nostrarum et canorum nostrorum in frumento farina brasio grano casiis carnibus animalibus et decimam tocius venacionis nostre et omnium que nobis in volucribus aut pissibus aut alicu[i]usmodi cibo vel potu prouenerint victum eciam seruienti suo quemcunque ipsi posuerint in curias nostras ad exigendum et percipiendum ex parte eorum predictas decimas nostras plenaria et honorifice sicut vni serviencium nostrorum licenciam quoque et libertatem piscandi et aucupandi per omnes terras et aquas et lacus nostros vbi [et] quando voluerint et materiem ad edificia sua et ad omnes alios vsus suos et passnagium et Cortices et ligna ad pastum ignis in siluis nostris vbi voluerint et quantum sibi fuerit de hiis singulis necessarium Hec igitur omnia volo quatinus predicti canonici teneant et possideant de me et heredibus meis in puram et perpetuam elemosinam ita libere et quiete plenaria et honorifice sicut aliqua elemosina in toto regno liberius quiecius plenarium et honorificentius tenetur et possidetur Preterea concessi eisdem canonicis et hac carta mea confirmando confirmaui quatinus nec ego nec aliquis heredum meorum de cetero conferemus aliquo modo vel ad firmam committemus terram aliquam vel possessionem alicui nisi saluis eis de eadem terra vel possessione omnibus rectitudinibus que eis dum nostro erant dominio exinde debebantur vel dum nos exinde aliquid contingebat Quare si quis aliquam contra eos cartam monstrauerit ne Jus suum vendicare vel exigere debeant eam quantum ad hoc testificor esse cassandam facta est donacio anno gracie Millesimo CC hiis testibus Johanne Episcopo dunkeldensi Jonatha Episcopo dunblanensi Rainbaldo Abbate de scona comitissa Matilda de Aubegny vxori mea Milisio fratre meo Willelmo et Ferteth filiis meis domino W canonico de scona Gillines Senescallo meo Constantino Judice Anechol thaino meo de Dunyn et multis aliis