Charter Document - 06790016
| Charter Number: | 06790016 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 |
| Date type: | Internal, A.D. |
| Resource Link(s): |
People of Medieval Scotland |
Charter:
Gillebertus comes de strathern omnibus hoc scriptum uisuris uel audituris salutem Sciant tam presentes quam futuri me dedisse et concessisse et hac carta mea confirmasse deo et beate Marie et beato Iohanni apostolo et evangeliste de Incheaffren et canonicis ibidem deo seruientibus et seruituris de me et heredibus meis in puram et perpetuam elemosinam decimam omnium canorum nostrorum in frumento farina Brasio Grano Caseis carnibus animalibus et tocius uenationis nostre et volucrum et Piscium et omnium que nobis in cibariis et potibus euenerint victum eciam ministro suo quemcumque ipsi posuerint in curiam nostram ad exigendum et percipiendum ex parte eorum predictas decimas nostras plenaria et honorifice sicut uni seruientium nostrorum Licentiam quoque piscandi in peferin et in aliis aquis nostris ubi et quando uoluerint et Materiem ad edificationem domorum suarum et pasnagium et cortices et ligna ad pastum ignis in nemoribus nostris capienda ubi sibi uisum fuerit oportunius et quantum eis fuerit necessarium Hec igitur omnia uolo ut predicti canonici eorumque successores habeant teneant et possideant de me et heredibus meis in puram et perpetuam elemosinam ita libere quiete plenaria et honorifice sicut aliqui religiosi in toto regno scocie aliquam elemosinam liberius quiecius plenarius et honorificencius habent tenent et possident facta est hec donacio anno ab incarnacione domini MCC Hiis testibus Iohanne episcopo dunkeldensi Ionatha episcopo Dunblanensi Rainbaldo abbate de scona Malisio fratre meo Willelmo Ferthet filiis meis Gilleneff Senescallo Constantino Iudice Anecol theino meo de dunin et multis aliis