Charter Document - 06790015
| Charter Number: | 06790015 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1203 |
| Date type: | Assigned |
| Resource Link(s): |
People of Medieval Scotland |
Charter:
Gillebertus comes de strathern omnibus hoc scriptum uisuris uel audituris salutem Sciant tam presentes quam futuri me dedisse et concessisse et hac carta mea confirmasse deo et sancte Marie et sancto Iohanni apostolo de Incheaffren et canonicis eiusdem loci eorumque successoribus pro dei amore et salute anime mee et uxoris mee et antecessorum et heredum meorum ecclesiam sancti Beani de kynkelle cum omnibus iustis pertinentiis suis In decimis et oblationibus et obuentionibus omnimodis cum terra ad eandem ecclesiam pertinente et cum communi pastura ceterisque aisiamentis omnimodis ad predictam ecclesiam pertinentibus in puram et perpetuam elemosinam ad habendum et tenendum et possidendum de me et heredibus meis in perpetuum ita libere et quiete plenaria et honorifice sicut aliqui religiosi in toto regno scotie aliquam ecclesiam liberius quietius plenarius et honorificentius habent tenent et possident Hiis testibus Malisio fratre meo Abraham capellano meo Malcolmo clerico Willelmo Ferthet Roberto filiis meis Gilla senescallo meo Malisio filio eius Constantino Iudice Anecollo theino de Dunin Duncano theino de struvin et multis aliis