Charter Document - 06790013
| Charter Number: | 06790013 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1210 |
| Date type: | Assigned |
| Resource Link(s): |
People of Medieval Scotland |
Charter:
Gillebertus comes de strathern omnibus hoc scriptum uisuris uel audituris Salutem Sciant tam presentes quam futuri me dedisse et concessisse et hac carta mea confirmasse deo et beate Marie et beato Iohanni Apostolo de Incheaffren et Canonicis eiusdem loci eorumque successoribus pro dei amore et salute anime mee et uxoris mee et antecessorum et heredum meorum ecclesiam sancti kathani de aberrotheuin cum omnibus iustis pertinentiis suis In decimis et oblationibus et obventionibus omnimodis cum terra per rectas diuisas suas quam pater meus Ferthet et mater mea Ethen dederunt eidem ecclesie in dotem et cum communi pastura ceterisque aisiamentis ad eandem ecclesiam pertinentibus in puram et perpetuam elemosinam ad habendum et tenendum et possidendum de me et heredibus meis in perpetuum ita libere et quiete plenaria et honorifice sicut aliqua ecclesia in toto regno scocie liberius quietius plenarius et honorificentius habetur tenetur et possidetur Hiis testibus Ionatha episcopo Dunblanensi Iohanne archidiacono de stratheren Malgirk de Mothel Thoma decano Malisio fratre meo Maltilde comitissa uxore mea Abraham capellano Constantino Iudice Gillecrist Gal et multis aliis