Charter Document - 06790012

Gilbertus comes de stratheren omnibus amicis et hominibus suis clericis et laicis Salutem Sciant presentes et futuri me pietatis intuitu et pro salute anime mee et Matilde comitisse de stratheren uxoris mee et patris mei et Matris mee et heredum meorum dedisse et concessise et hac carta mea confirmasse Deo et ecclesie sancti Iohannis apostoli et evangeliste de inseaffrenn et canonicis ibidem deo seruientibus et seruituris totam terram de Arddeugani per rectas diuisas suas et cum omnibus iustis pertinentiis suis et totam terram de Achadlongseg per rectas diuisas suas et cum omnibus iustis pertinentiis suis et totam terram de Dubinder per rectas diuisas suas et cum omnibus iustis pertinentiis suis et totam terram illam de Madranin que antiquitus Abbacia uocabatur per rectas diuisas suas et cum omnibus iustis pertinentiis suis tenendas in liberam et puram et perpetuam elemosinam in bosco et plano in terris et aquis in pratis et pascuis in moris et marresiis in peteriis et uiuariis in stagnis et molendinis et omnibus aliis iustis pertinentiis suis et cum omnibus aliis aisiamentis ad predictas terras iuste pertinentibus libere et quiete plenaria et honorifice ab omni auxilio et seruitio et consuetudine et seculari exactione Quare uolo ut predicti canonici predictas terras per rectas diuisas suas et cum omnibus iustis pertinentiis suis Ita libere et quiete plenaria et honorifice in liberam et quietam et puram et perpetuam elemosinam habeant et possideant sicut aliqua elemosina in regno scotie de aliquo comite liberius et quietius plenius et honorificentius tenetur et possidetur Hiis testibus Ionatha episcopo dunblanensi Matildis Comitissa de stratherent Malisio fratre comitis ferthed filio comitis Matilda filia comitis Iohanne archidiacono Abraham capellano comitis Gillenanemh dapifero comitis Malisio filio suo Gilleberto sotio comitis Constantino iudice Gillebrec Anachol de dunene Duncano filio Maliso