Charter Document - 06790011
| Charter Number: | 06790011 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1202 |
| Date type: | Assigned |
| Resource Link(s): |
People of Medieval Scotland |
Charter:
Gillebertus Comes de Stratheren Omnibus Amicis et Hominibus suis clericis et laicis Salutem Sciant presentes et futuri me Pietatis intuitu et pro salute anime mee et Matilde Comitisse de Stratheren uxoris mee et Patris mei et Matris mee et Heredum meorum dedisse et Concessisse et Hac Carta mea confirmasse Deo et Ecclesie sancti Iohannis apostoli et Euuangeliste de Incheaffren et Canonicis ibidem deo seruientibus et seruituris totam terram de Arde eweni per rectas diuisas suas et cum omnibus Iustis pertinentiis suis Et totam terram de Achadlongsih per rectas Diuisas suas et cum omnibus Iustis pertinentiis suis Et totam terram de Dufinder per rectas diuisas suas et cum omnibus iustis pertinentiis suis Et totam terram illam de Madernin que antiquitus Abbacia uocabatur per Rectas Diuisas suas et cum omnibus iustis pertinentiis suis Tenendas in liberam et puram et perpetuam elemosinam in bosco et Plano in terris et aquis in pratis et pascuis in Moris et Marresiis in Peteriis et viuariis In Stagnis et Molendinis et omnibus aliis Iustis pertinentiis suis et cum omnibus aliis aisiamentis ad predictas terras iuste pertinentibus libere et Quiete Plenaria et Honorifice ab omni auxilio et seruicio consuetudine et seculari exactione Quare uolo ut predicti Canonici predictas terras per rectas diuisas suas et cum omnibus iustis pertinentiis suis Ita libere et Quiete Plenaria et Honorifice in liberam et Quietam et Puram et Perpetuam Elemosinam Habeant et Possideant sicut aliqua elemosina in regno scotie de aliquo Comite liberius et Quietius Plenius et Honorificentius tenetur et Possidetur Hiis Testibus Ionatha Episcopo dunblanensi Matildis Comitissa de Stratherr Malisio fratre Comitis ferthet filio Comitis Matilda filia Comitis Iohanne Archidiacono Abraham Capellano Comitis Gillenanof dapifero Comitis Malis filio suo Gilleberto socio Comitis Constantino Iudice Gillebrech Anecol de Dunin Dunecano filio Malihs