Charter Document - 06790007
| Charter Number: | 06790007 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1195 - 1203 |
| Date type: | Assigned |
| Resource Link(s): |
People of Medieval Scotland |
Charter:
Johannes Dei gratia Episcopus Dunkeldensis Uniuersis Sancte Matris Ecclesie filijs ad quos littere iste peruenerint salutem Sciant omnes presentes et futuri nos dedisse concessisse et hac carta nostra confirmasse deo et ecclesie sancti Johannis de Incheaffran et fratribus ibidem deo seruientibus et seruituris terram nostram in Madernin que terra uocatur Abthen per suas rectas diuisas cum omnibus justis pertinenciis suis ad peticionem comitis Gilbertus de Strathern et fratris ejus Malisio in redempcione anime nostre et antecessorum nostrorum et predicti comitis Gilbertus et suorum Tenendam predictis fratribus et eorum successoribus in liberam et perpetuam elemosinam reddendo nobis et successoribus nostris annuatim unam marcam argenti scilicet dimidium ad pentecosten et dimidium ad festum sancti Martini Volumus Itaque et precipimus ut idem fratres predicti et eorum successores predictam terram teneant et possideant de nobis et successoribus nostris ita libere quiete plenaria et honorifice ab omni exaccione et consuetudine et servicio seculari ad nos pertinente in bosco et plano in pratis et pascuis in aquis et molendinis et in omnibus alijs aisiamentis ad eandem terram pertinentibus sicut aliqua terra in episcopatu nostro liberius plenius et honorificencius tenetur et possidetur salua duntaxat predicta pencione Testibus his Johanne Archidiacono de Strathern Gilbertus Comite de Strathern et fratre ejus Malisio Reginaldo et fratre ejus Stephano Capellanis nostris Roberto et Petro capellanis de Tubermore Bernardo et Ricardo Capellanis de Kergill Magistro Henrico et Willelmo de lockestre clericis nostris Waltero pincerna Roberto et simone nepotibus nostris Petro de camera Roberto ferrone Galfrido ostiario Radulfo geruny hamone coco Josep et alijs multis