Charter Document - 06790003
| Charter Number: | 06790003 |
|---|---|
| Cartulary Title: | Charters, Bulls and other Documents Relating to the Abbey of Inchaffray |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1195 - 1198 |
| Date type: | Assigned |
| Resource Link(s): |
People of Medieval Scotland |
Charter:
Vniuersis sancte Matris ecclesie filiis clericis et laicis Gillebertus Comes de Strathern Salutem Sciant presentes et futuri me dedisse et concessisse et hac mea carta confirmasse Deo et Ecclesie Sancti Iohannis apostoli et euangeliste de insula Missarum in fougles et fratribus ibidem deo et sancto Iohanni seruientibus et seruituris Ecclesiam sancti Cathani de Aberruadeuien diuine pietatis intuitu pro salute anime mee et uxoris mee et antecessorum meorum cum omnibus decimis et oblationibus et omnimodis obuentionibus cum terra per rectas suas diuisas quam pater meus ferthet Mater mea Ethen dederunt eidem Ecclesie in dotem et cum omnibus ad eam iuste pertinentibus cum communi pastura et omnibus aliis aisiamentis in liberam et puram et perpetuam elemosinam Quare uolo ut predicta Ecclesia sancti Iohannis et fratres eiusdem loci eandem Ecclesiam de Aberruadeuien cum omnibus iustis pertinentiis suis ita libere et quiete plenaria et honorifice Ab omni seculari seruitio et seruili actione inperpetuum teneant et possideant sicut aliqua Ecclesia liberius et quietius plenarius et honorificentius in regno scotie tenetur et possidetur Testibus hiis Jonatha Episcopo de Strathern Johanne Archidiacono de Strathern Malgirk de Mothel Thoma decano Malis fratre Comitis Gillecrist filio Comitis Gillenanem dapifero Comitis Constantino Iudice Gillecrist Gal Dunecano filio Malisii Maulde Comitissa de Strathern Abraham Capellano Comitis Malmure Capellano Episcopi