Charter Document - 06780041

Henrici Dei gratia Rex Anglie [] Concessimus Archiepiscopis Episcopis Comitibus Baronis et omnibus de regno nostro has libertates subscriptas tenendas in Regno nostro Anglie inperpetuum In primis concessimus Deo et hac carta nostra presenti confirmavimus pro nobis et heredibus nostris inperpetuum quod Anglicana Ecclesia libera sit et habeat jura sua integra et libertates suas illesas Concessimus etiam et dedimus omnibus liberis hominibus regni nostri pro nobis et heredibus nostris inperpetuum has libertates subscriptas Habendas et tenendas eis et heredibus suis de nobis et heredibus nostris Si quis Comitum vel Baronum nostrorum vel aliorum tenentium de nobis in capite per servicium militare mortuus fuerit et cum decesserit heres ejus si plene etatis fuerit et re levium debeat hereditatem suam habeat per antiquum relevium scilicet heres vel heredes Comitis de Baronia Comitis integra per c libras Heres vel heredes Baronum de Baronia integra per c libras Heres vel heredes militis de feodo militis integro per c solidos ad plus et qui minus debuerit minus det secundum antiquam consuetudinem feodorum Si autem heres alicujus talium fuerit infra etatem Dominus ejus non habeat custodiam ejus nec terre sue ante quam homagium ejus ceperit et postquam talis heres fuerit in custodia cum ad etatem pervenerit scilicet xxj annorum habeat hereditatem suam sine relevio et sine fine Ita tamen quod si ipse dum infra etatem fuerit fiat miles nihilominus terra remaneat in custodia dominorum suorum usque ad terminum predictum Custos terre hujusmodi heredis qui infra etatem fuerit non capiat de terra heredis nisi rationabiles exitus et rationabiles consuetudines et rationabilia servicia et hec sine destructione et vasto hominum et rerum Et si nos commisimus custodiam alicujus talis terre vicecomiti vel alicui alio qui de exitibus terre illius nobis debeat respondere et ille destructionem de custodia fecerit vel vastum nos ab illo capiemus emendam et terra committatur duobus legalibus et discretis hominibus de feodo illo qui nobis de exitibus respondeant vel ei cui eos assignaverimus Et si dederimus vel vendiderimus alicui custodiam alicujus talis terre et ille destructionem fecerit inde vel vastum amittat ipsam custodiam et tradatur duobus legalibus discretis hominibus de illo feodo qui nobis similiter respondeant ut predictum est Custos autem quamdiu custodiam habuerit sustentat domos parcos vivaria stagna molendina [] ad illam terram spectantia de exitibus terre ejusdem et reddat heredi cum ad plenam etatem pervenerit terram suam totam instauratam de carrucis et omnibus aliis rebus ad minus secundum quod illam recepit Hec omnia observentur de custodiis Archiepiscopatuum Episcopatuum Abbatiarum Prioratuum Ecclesiarum Dignitatum vacantium que ad nos pertinent excepto quod custodie hujusmodi vendi non debent Heredes maritentur absque dispar agnatione Vidua post mortem mariti sui statim et sine difficultate aliqua habeat maritagium suum et hereditatem suam nec aliquid det pro dote sua vel maritagio suo vel hereditate sua quam hereditatem maritus suus et ipsa tenuerunt die obitus ipsius mariti et maneat in capitali mesuagio mariti sui per xl dies post obitum ipsius mariti Infra quos assignetur ei dos sua nisi prius fuerit assignata vel nisi domus illa sit castrum Et si de castro recesserit statim provideatur ei domus competens in qua possit honeste morari quousque dos sua ei assignetur secundum quod predictum est Et habeat rationabile esto varium suum interim de communi Assignentur autem ei pro dote sua tertia pars totius terre mariti sui que sua fuerit in vita sua nisi de minori dotata fuerit ad hostium ecclesie Nulla vidua distringatur ad se maritandum dum voluerit vivere sine marito Ita tamen quod securitatem faciat quod se non maritavit sine assensu nostro si de nobis tenuerit vel sine assensu domini sui si de alio tenuerit Nos vero vel ballivi nostri non saisiemus terram aliquam nec redditum pro debito aliquo quam diu catalla debitoris presentia sufficiunt ad debitum reddendum et ipse debitor paratus sit inde satisfacere nec plegii ipsius debitoris distringantur quam diu ipse capitalis debitor sufficiat ad solutionem debiti Et si capitalis debitor deficiat in solutione debiti non habens unde reddat aut reddere nolit cum possit plegii respondeant pro debito et si voluerint habeant terras et redditus debitoris quousque satisfactum sit eis de debito quod antea pro eo solverunt nisi capitalis dominus monstraverit se inde esse quietum versus eosdem plegios Civitas Londonie habeat omnes antiquas libertates et liberas consuetudines suas Preterea volumus et concedimus quod omnes alie civitates et burgi et ville et Barones de vque portubus et omnes portus habeant omnes libertates et liberas consuetudines suas Nullus distringatur ad faciendum majus servicium de feodo militis vel de alio libero tenemento quam inde debetur Communia placita non sequantur curiam nostram sed teneantur in alio certo loco Recogniciones de Nova dissaisina et de Morte antecessorum non capiantur nisi in suis comitatibus et hoc modo Nos vel si extra regnum fuerimus capitalis Justiciariis noster mittemus Justiciarios per unum quemque comitatum semel in anno qui cum militibus Comitatuum capiant in comitatibus assisas predictas et ea que in illo adventu suo in comitatu per Justiciarios predictos ad capiendas assisas missos terminari non possunt per eosdem terminentur in itinere suo alibi Et ea que per eosdem propter difficultatem aliquorum articulorum terminari non possunt referantur ad Justiciarios nostros de Banco et ibi terminentur Assise de ultima presentatione semper capiantur coram Justiciariis de banco et ibi terminentur Liber homo non amercietur pro parvo delicto nisi secundum modum ipsius delicti et pro magno delicto secundum magnitudinem delicti salvo contene mento suo et mercator eodem modo salva marcandisia sua et villanus alterius quam noster eodem modo amercietur salvo Wannagio suo si inciderit in misericordiam nostram et nulla predictarum misericordiarum ponatur nisi per sacramentum proborum et legalium hominum de visneto Comites et Barones non amercientur nisi per pares suos et nullus nisi secundum modum delicti Nulla persona ecclesiastica amercietur secundum quantitatem beneficii sui ecclesiastici sed secundum laicum tenementum suum et secundum quantitatem delicti Nec villa nec homo distringatur facere pontes ad riparia nisi qui ab antiquo et de jure facere debet Nulla riparia de cetero defendatur nisi ille que fuerunt in defenso tempore Henrici Regis avi nostri per eadem loca et eosdem terminos sicut esse consueverunt tempore suo Nullus Vicecomes Constabularius Coronatoris vel alii ballivi nostri teneant placita corone nostre Si quis tenens de nobis laicum feodum moriatur et Vicecomes vel ballivus noster ostendat litteras nostras patentes de summonitione nostra de debito quod defunctus nobis debuit liceat Vicecomiti vel ballivo nostro attachiare et in breviare catalla defuncti inventa in laico feodo ad valenciam illius debiti per visum legalium hominum Ita tamen quod nichil inde amoveatur donec persolvatur nobis debitum quod clarum fuerit et residuum relinquatur executoribus ad faciendum testamentum defuncti et si nichil nobis debeatur ab ipso omnia catalla cedant defuncto Salvis uxori ipsius et pueris suis rationabilibus partibus suis Nullus Constabularius vel ejus Ballivus capiat blada vel alia catalla alicujus qui non sit de villa ubi castrum situm fuerit nisi statim inde reddat denarios aut respectum inde habere possit de voluntate venditoris Si autem de villa ipsa fuerit infra quadraginta dies pretium reddat Nullus Constabularius distringat aliquem militem ad dandum denarios pro custodia castri si ipse eam facere voluerit in propria persona vel per alium probum hominem si ipse eam facere non possit propter rationabilem causam Et si nos duxerimus vel miserimus in exercitum erit quietus de custodia secundum quantitatem temporis quo per nos fuerit in exercitu de feodo pro quo fecit servicium in exercitu Nullus Vicecomes vel Ballivus noster capiat equos vel careccas alicujus pro cariagio faciendo nisi reddat liberationem antiquitus statutam scilicet pro carecca ad ij equos x denarios per diem et pro carecca ad iij equos xiiij denarios per diem Nulla Dominica carecca alicujus persone ecclesiastice vel militis vel domine capiatur per ballivos predictos nec nos nec ballivi nostri nec alii capiemus alienum boscum ad castra vel alia agenda nostra nisi per voluntatem illius cujus boscum ille fuerit Nos non tenebimus terras illorum qui convicti fuerint de felonia nisi per unum annum et unum diem et tunc reddantur terre dominis feodorum Omnes kidelli de cetero deponantur penitus per Thamisiam et Medeweyam et per totam Angliam nisi per costeram maris Breve quod vocatur precipere de cetero non fiat alicui de aliquo tenemento unde liber homo perdat curiam suam Una mensura vini sit per totum regnum nostrum et una mensura cervisie et una mensura bladi scilicet quarterium Londinense et una latitudo pannorum tinctorum et russettorum et haubergettorum scilicet due ulne inter listas De ponderibus sit ut de mensuris Nichil detur cetero pro brevi inquisitionis ab eo qui inquisitionem petit de vita vel membris sed gratis concedatur et non negetur Si aliquis teneat de nobis per feodi firmam vel socagium vel burgagium et de alio teneat terram per servitium militare nos non habemus custodiam heredis vel terre sue que est de feodo alterius occasione illius feodi firme vel socagii vel burgagii nec habemus custodiam illius feodo firme vel socagii vel burgagii nisi ipsa feodi firma debeat servitium militis Nos non habebimus custodiam heredis vel terre alicujus quam tenet de alio per servitium militare occasione alicujus parve sergantarie quam tenet de nobis per servitium reddendo nobis cultellos vel sagittas vel hujusmodi Nullus Ballivus ponat de cetero aliquem ad legem manifestam nec ad juramentum simplici loquela sua sine testibus ad hoc fideliter inductis Nullus liber homo capiatur vel inprisonetur aut dissaisietur de aliquo tenemento suo vel libertatibus vel liberis consuetudinibus suis aut uthlagetur aut exuletur aut aliquo alio modo destruatur nec super eum ibimus nec super eum mittemus nisi per legale judicium parium suorum aut per legem terre Nulli vendemus nulli negabimus differemus rectum vel justiciam Omnes mercatores nisi publice antea prohibiti fuerint habeant salvum et securum exire de Anglie et venire in Angliam et morari et ire per Angliam tam per terram quam per aquam ad emendum et vendendum suum omnibus tollis malis per antiquas et rectas consuetudines preter quam in tempore gwerre Et si sint de terra contra nos gwerrina et si tales inveniantur in terra nostra in principio gwerre atta cientur sine dampno corporum vel rerum donec sciatur a nobis vel a capitali Justiciario nostro quomodo mercatores terre nostre tractentur qui tunc invenientur in terra contra nos gwerrina et si nostri salvi sint ibi alii salvi sint in terra nostra Si quis tenuerit de aliqua eschaeta sicut de honore Walingeford Bolonie Notingeham Lancastrie vel de aliis eschaetis que sint in manu eam nostra et sint Baronie et obierit heres ejus non det aliud relevium nec faciat nobis aliud servitium quam faceret Baroni si illa esset in manu Baronis et nos eodem modo tenebimus quo Baro eam tenuit Nec nos occasione talis baronie vel eschaete habebimus aliquam eschactam vel custodiam aliquorum hominum nostrorum nisi de nobis alibi tenuerit in capite ille qui tenuerit Baroniam vel eschaetam Nullus liber homo de cetero det amplius alicui vel vendat de terra sua quam ut de residuo terre sue possit sufficienter fieri domino feodi servicium ei debitum quod pertinet ad feodum illud Omnes patroni Abbatiarum qui habent cartas Regum Anglie de advocatione vel antiquam tenueram vel possessionem habeant earum custodiam cum vacaverint sicut habere debent et sicut supra declaratum est Nullus capiatur vel imprisonetur propter apellam femine de morte alterius quam viri sui Nullus Comitatus de cetero teneatur nisi de mense in mensem et ubi major terminus esse solebat major sit Nec aliquis vicecomes vel ballivus suus faciat tornum suum per hundredum nisi bis in anno et non nisi in loco debito et consueto videlicet post Pascha et iterum post festum Sancti Michaelis et visus de Franco plegio tunc fiat ad illum terminum Sancti Michaelis sine occasione Ita scilicet quod quilibet habeat suas libertates quas habuit et habere consuevit tempore Regis Henrici avi nostri vel quas postea adquisivit fiat autem visus de franco plegio sic videlicet quod pax nostra teneatur et quod thethinga integra sit sicut esse consuevit et quod vicecomes non querat occasiones et quod contentus sit de eo quod vicecomes habere consuevit de visu suo faciendo tempore Henrici Regis avi nostri Non liceat alicui de cetero dare terram suam alicui domui religiosa ita quod illam resumat tenendam de eadem domo Nec liceat alicui domui religiose terram alicujus sic recipere quod tradat eam illi a quo eam recepit tenendam Si quis autem de cetero terram suam alicui domui religiose sic dederit et super hoc convincatur donum suum penitus cassetur et terra illa domino illius feodi incurratur Scutagium capiatur de cetero sicut capi consuevit tempore Regis Henrici avi nostri Et salve sint Archiepiscopis Episcopis Abbatibus Prioribus Templariis Hospitalariis Comitibus Baronibus et omnibus aliis tam ecclesiasticis personis quam secularibus libertates et libere consuetudines quas prius habuerunt Omnes istas consuetudines predictas et libertates quas concessimus in regno nostro tenendas quantum ad nos pertinet erga nostros Omnes de regno nostro tam clerici quam laici observent quantum ad se pertinent erga suos Pro hac autem concessione donatione libertatum istarum et aliarum contentarum in carta nostra de libertatibus foreste Archiepiscopi Episcopi Abbates Priores Comites et Barones Milites libere tenentes et omnes de regno nostro dederunt nobis xv partem omnium mobilium suorum Concessimus etiam eisdem pro nobis et heredibus nostris quod nec nos nec heredes nostri aliquid procuremus per quod libertates in hac carta contente infringantur vel infirmentur et si ab aliquo aliquid contra hec perquisitum fuerit nichil valeat et pro nullo habeatur