Charter Document - 06780029
| Charter Number: | 06780029 |
|---|---|
| Cartulary Title: | Registrum sive Liber Irrotularius et Consuetudinarius Prioratus Beatæ Mariæ Wigorniensis [Worcester] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1222 - 1242 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus Prior Wigornie et ejusdem loci conventus concessimus Abbati et Conventui de Rading quod habeant et teneant totam et integram illam virgata terre cum pertinentiis in Tidintun de nobis inperpetuum libere et quiete bene et in pace cum omnibus liberis aisiamentis pertinentibus ad tantum tenementum in eadem villa quam scilicet Walterus de Bromhal tenuit de nobis et Mauricius pater ejus vendidit Johanni de Kemeseya Reddendo inde nobis annuatim apud Tidintun iij solidos sterlingorum ad ij terminos scilicet ad festum Sancti Michaelis xviij denarios et ad Annunciationem beate Marie xviij denarios pro omni servicio exactione et consuetudine ad nos pertinente salvo uniuscujusque alterius jure et nostra indemnitate dum terram illam tenuerint vel in dominico vel in serviciis salvo etiam hoc quod in morte vel mutatione cujuslibet Abbatis de Rading reddent nobis Abbas qui pro tempore tunc fuerit apud Rading et Conventus ijj solidos sterlingorum apud Tidintun quasi nomine relevii Si vero defecerint in solutione premissa licebit nobis namare et distringere dictum tenementum juxta consuetudinem et legem regni donec plene satisfecerint Ut autem hec nostra concessio perpetue firmitatis robor optineat eam presenti scripto in modum cyrographi confecto alternatim sigilla nostra apposuimus Hiis testibus []