Charter Document - 06780022
| Charter Number: | 06780022 |
|---|---|
| Cartulary Title: | Registrum sive Liber Irrotularius et Consuetudinarius Prioratus Beatæ Mariæ Wigorniensis [Worcester] |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1185 - 1214 |
| Date type: | Assigned |
| Resource Link(s): |
|
Charter:
Universis Sancte matris ecclesie filiis ad quos presens scriptum pervenerit Maugerius dei gratia Wigorniensis Episcopus eternam in Domino salutem Ad universitatis vestre notitiam volumus pervenire quod cum causa verteretur inter Randulfum Priorem et conventum Wigornie et sacristam ejusdem ecclesie ex una parte et Magistrum Willelmum personam de Tredintun ex alia per litteras Domini Pape Innocentii iij ad venerabiles viros Gilbertus Episcopum Roffensem et Abbatem de Boxles et Magistrum Radulfo de Sancto Martino a dicto Magistro Willelmo persona de Tredintun inpetratas super decimis quas prefati Prior et Monachi et sacrista tenebant tam de dominico quam de vilenagio de Blakewelt et de Sepwestun tandem per arbitrium nostrum in quod de consensu judicum partes compromiserunt hoc fine conquievit scilicet quod prefati Prior et Monachi et sacrista omnes decimas quas in prefatis maneriis de vilenagio percipere consueverunt ecclesie de Tredintun inperpetuum remiserunt et quietas clamaverunt Persona autem de Tredintun et sacrista quietas clamaverunt prefatis Priori et Monachis decimas de dominico suo de Blakewett integre inperpetuum possidendas salvis duabus acris ecclesie de Tredintun percipiendis annuatim de dominico sicut ab antiquo percipere consuevit De dimidia autem hida quam idem Prior et Monachi de vilenagio sibi appropiaverunt in dominicum ecclesia de Tredintun percipiet annuatim duas acras Ita quod computatis acris ex ordine prout jugera jacebunt decimam acram habeat in computatione legaliter et bona fide facta Si vero eadem dimidia hida aliquando redierit in vilenagio ecclesia de Tredintun percipiet totas decimas sicut de cetero vilenagio Sacrista autem Wigornie habebit decimas de antiquo dominico de Sepwestun plenaria et integre Ita quod si aliquo tempore aliquid fuerit appropriatum de vilenagio in dominicum ecclesia de Tredintun percipiet decimas sicut de alio vilenagio Predictis autem partitionibus et portionibus contenti erunt Prior et Monachi Wigornie et persona de Tredintun et Sacrista Wigornie Nec quisquam eorum aliquid aliud vel amplius poterit exigere Ut autem ista futuris temporibus inperpetuum rata et firma permaneant presenti scripto cum sigilli nostri munimine ea duximus corroboranda