Charter Document - 06780021
| Charter Number: | 06780021 |
|---|---|
| Cartulary Title: | Registrum sive Liber Irrotularius et Consuetudinarius Prioratus Beatæ Mariæ Wigorniensis [Worcester] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1153 - 1167 |
| Date type: | Assigned |
| Resource Link(s): |
|
Charter:
Sciant presentes et futuri quod Ego Robertus de Parco dedi concessi et hac presenti carta mea confirmavi Deo et beate Marie et priori et Conventui Wygornie in liberam et perpetuam elemosinam pro salute anime mea et heredum meorum totam illam tercianam terre cum pertinentiis in manerio eorum de Herfertun cum omni jure quod in ea habui vel habere potui ex successione hereditaria post decessum Alardi avunculi mei tam in dominicis quam in homagiis escaetis servitiis reditibus et aliis quibuscumque et undecumque ad dictam tertianam pertinentibus et cum tertia parte dotis post decessum relicte dicti Alardi avunculi mei prefato jure hereditario me contingente Habendam et tenendam inperpetuum ita libere et quiete et pacifice sicut aliqua elemosina liberius et quietius haberi potest et teneri absque omni exactione servitio sequela et demanda et absque omni re tenemento calangio et reclamatione mei vel alicujus nomine meo sive per dotem sive per aliquam successionem salva mihi et heredibus meis tertia parte unius libri cumini solvenda ad Pascha Et Ego Robertus et heredes mei omnia predicta prefatis Priori et Conventui sicut liberam et perpetuam elemosinam contra omnes homines et feminas warantizabimus et per predictum servitium acquietabimus Ut autem omnia predicta perpetue firmitatis robur optineant ea presenti scripto et sigilli mei impressione roboravi Hiis Testibus Domino Willelmo de Bello Campo [] Habemus cartam ejusdem super premissis sub alia forma