Charter Document - 06780013
| Charter Number: | 06780013 |
|---|---|
| Cartulary Title: | Registrum sive Liber Irrotularius et Consuetudinarius Prioratus Beatæ Mariæ Wigorniensis [Worcester] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1222 - 1224 |
| Date type: | Assigned |
| Resource Link(s): |
|
Charter:
Omnibus Sancte Matris ecclesie filiis presens scriptum inspecturis vel audituris Willelmus de Bleys permissione divina Wigornensis Episcopus salutem in Domino Ad universitatis vestre notitiam volumus pervenire quod cum inter nos ex una parte et Dominum Willelmus Priorem et Conventum nostrum Wigornie ex altera super capella Sancte Helene Wigornensis et ejusdem pertinentiis esset dissentio nos ad reprimendum discordie fomitem et bonum pacis reformandum de communi assensu nostro et dictorum prioris et conventus ordinationem memorate capelle cum ejusdem pertinentiis Domino Willelmo de Tintun rectori ecclesie de Kemes et Magistro Matheo de Grimel omni appellatione facta vel facienda remota commisimus Qui prehabita deliberatione et invocata Spiritus Sancti gratia ordinaverunt secundum quod in scriptis super dicta ordinatione inter nos confectis plenius continetur quibus tam signum nostrum quam dictorum Prioris et Conventus appensum est Nos vero dictam ordinationem secundum formam in eisdem scripturis contentam ratam habentes eam auctoritate Pontificia confirmavimus In cujus rei testimonium presenti scripto sigillum nostrum duximus apponendum Hiis testibus Galfrido canonico et aliis