Charter Document - 06780008

Noverint universi presentes litteras inspecturi quod cum inter Dominum Willelmus Episcopum Wigornensem et conventum ejusdem ecclesie ex uno latere varie questiones essent suborte tam super institutione Willelnus quondam Prioris Malverni quem Dominus Episcopus eis prefecerat in Priorem quam super institutione et destitutione Priorum alias pro tempore facienda Item super custodia dicti prioratus Prioratu vacante et super proventibus tumbe et feretrorum beati Wlstani Super pensionibus debitis conventui ad mandatum Episcopi detentis Necnon et super modo ingrediendi capitulum et Dampnis et expensis et questionibus et aliis injuriis hinc inde vario modo sicut dicebatur illatis Item cum ex alio latere inter dictum conventum et prefatum Willelmus quem Episcopus eis dederat in Priorem super institutione ejusdem Willelmus et aliis questionibus et injuriis hinc inde illatis similiter orta esset nonnulla contentio viris providis et discretis pluries inter eos de pace tractantibus nec proficientibus tandem pro pace reformanda convenientibus in Capitulo Wigornie dominis Stephanus Cantuariensi Archiepiscopo Jocelinus Bathonensi Hugone Lincolnensi Episcopis necnon Evesham et de Rading Abbatibus cum aliis viris discretis dicti episcopus et conventus Wigornie super omnibus questionibus inter se motis in dictos Dominos Cantuariensem Bathonensem et Lincolnensem et memoratos Abbates de Evesham et de Rading et Magistrum Stephano de Eketun clericum dicti Domini Cantuariensis quos compositores amicabiles elegerunt spontanea voluntate compromiserunt super sacrosancta jurantes quod eorum starent ordinationi in omnibus contentionibus inter ipsos subortis Secedentibus igitur in partem dictis compositoribus et nunc ad hanc partem nunc ad illam habentibus regressum ut habita frequenti collatione eas facilius ad concordiam revocarent tandem pensato statu Wigornensis ecclesie et considerato animarum periculo quod imminebat ponderatis etiam variis circumstantiis illud negotium tangentibus magna super hoc cum viris discretis habita deliberatione ita ad honorem Dei et ecclesie ad pacem etiam et tranquillitatem partium concorditer ordinarunt In primis ut dictus Willelmus quondam Prior Malvern quicquid juris habuit vel sibi vendicavit in prioratu Wigornie in manibus Domini Wigornie absolute et simpliciter resignaret quod et in eorum presentia sine deliberatione fecit ibidem facta igitur resignatione providerunt quod idem Willelmus ad honestam sustentationem suam Manerium de Clyva quod est prioratus Wigornie omnibus diebus vite sue in usus proprios retinebit in eadem integritate qua consuevit dictus conventus vel Prior eorum illud manerium retinere salva conventui ecclesia ejusdem ville cum decimis rusticorum et libere tenentium et aliis pertinentiis preter quam de Dominico Manerii quod apud memoratum Willelmus sicut dictum est remanebit Providerunt autem quod idem Willelmus nihil alienabat vel aliquid tempore suo faciet quo minus dictum manerium cum pertinentiis suis post decessum ipsius ad conventum revertatur in eadem integritate qua illud recepit De debitis etiam a dicto Willelmus pretextu hujus litis contractis premissa taxatione provisorum et dicti Willelmus sacramento subsecuto statuerunt quod Conventus Wigornie vel eorum Prior ipsi pro expensis illis c marcas persolvat Ita ut in festo Natalis proximo venturi percipiat xxv marcas et in Pascha sequenti alias xxv marcas et in festo sequenti Nativitatis beati Johannis Baptiste xxv marcas et residuas xxv marcas in sequenti festo beati Michaelis De Monachis etiam qui faverant dicto Episcopo vel memorato Willelmus providerunt quod ipsi ad conventum in bona pace et gratia revertantur Ita quod ad invicem omni injuria sepulta et rancore semoto se fervo caritate pertractent Ordinarunt etiam quod hac vice nullum habeant priorem de domo sua sed dictus Dominus Wigornie de extraneis monachum aliquem quem secundum conscientiam suam idoneum reputaverit excepto dicto Willelmus jam amoto eis hac vice proficiat in Priorem De cetero autem vacante prioratu sic providerunt ordinationem faciendam ut conventus vij monachos quos voluerunt de gremio suo injunctum est tamen eis ut de melioribus hoc faciat episcopo suo presentent qui necesse habebit unum ex illis vij quem voluerit eis proficere in priorem Quem quod Episcopus Wigornie non poterit amovere sicut nec alium Priorem deinceps nisi ex causa justa sicut predecessores sui facere consueverunt Circa custodiam autem prioratus vacantis ordinatum est sub hac forma ut sciatis Episcopus Wigornie prioratu vacante ecclesias ad presentationem Prioris et Conventus spectantes quas interim vacare contigerit libere conferat personis idoneis Custodias etiam et escaetas necnon et maritagio libere tenentium eque conferat si acciderint hii casus prioratu vacante toto residuo tam in capite Prioratus et in maneriis eorum quam in ecclesiis quas habent in usus proprios necnon et aliis beneficiis seu reditibus ad solius custodiam conventus pertinente nec per collationem ecclesiarum custodiarum escaetarum maritagiorum que fiet ab ipso prioratu vacante aliquod conventui vel eorum priori prejudicium generetur quin priore eis ordinato ad ipsos alia vice spectet ordinatio seu presentatio omnium premissorum cum iterum vacaverint vel acciderint prioratu non vacante propter premissa vero non differatur ordinatio Prioris vel aliquatenus protrahatur sed quanto commodius fieri poterit vacante prioratu destinabit conventus ad episcopum suum ubicumque fuerit in Anglie aliquos de gremio suo qui ei vij monachos nominatos a conventu per litteras patentes conventus presentent ut sic ordinatio sine difficultate procedat Si vero episcopus exiturus sit regnum ad quascumque partes iturus statuet aliquem loco suo qui unum de vij nominatis a conventu eis priorem preficiat vice sua sive jam prioratu vacante ipse regnum egredi statuerit sive eo agente extra regnum contigerit prioratum vacare ut undique provideatur ecclesie ne per absentiam Episcopi priore remaneat desolata Et si nemine constituto loco suo qui priorem possit sicut dictum est preficere contigerit episcopum egredi regnum ne vel sic per negligentiam vel desidiam Episcopi contingat ordinationem prioris impune deferri hoc in penam ipsius statuerunt ut sive ante egressum ipsius vacuerit prioratus sive postea nihil interim per ipsum vel suos de dictis ecclesiis custodiis escaetis vel maritagiis conferatur sed illa vacatione pertineant ad solum conventum De proventibus autem tumbe et feretrorum beati Wlstani ita statuerunt ut medietas eorum de cetera spectet ad Episcopum medietas ad conventum et ad custodiam illam Episcopus pro parte sua et conventus pro parte sua quos voluerint custodes honestos clericos vel monachos deputabit Circa ingressum vero Episcopi seu modum ingrediendi capitulum ita providerunt ut cum voluerit Episcopus capitulum eorum intrare premuniet conventum utrum tractare voluerit de spiritualibus seu ordinem tangentibus vel potius de temporalibus et si veniat de spiritualibus seu ordinem tangentibus tractaturus solus sine clericis secularibus ingrediatur et solus sine clericis suis moretur dum tractaverit de premissis Si vero tractaturus veniat de temporalibus libere cum clericis suis capitulum ingrediatur sed si inciderit aliquid tractandum de spiritualibus seu ordinem tangentibus statim clerici seculares sine difficultate recedant Episcopo interim sine clericis suis secularibus remanente Provisum est etiam quod omnes pensiones vel redditus seu beneficia que consueverunt Prior et Conventus percipere in ecclesiis dioecesis Wigornensis et de novo sunt retenta ipsis statim et sine difficultate restituantur et Episcopus eis pensiones illas sen redditus nomine perpetui beneficii confirmabit Omnia autem alia debita exceptis premissis dampna etiam et expensas et alia hinc inde petita ordinaverunt dicti provisores ad invicem remittenda et quod Dominus Episcopus omnem cum suis eis offensam rancorem et indignationem remittat ipsos ad pacis osculum benignus admittendo et quod ipsi et alii monachi qui faverant dicto Episcopo vel memorato Willelmus una cum eodem Willelmus ad invicem sibi rancorem et indignationem remittant pacis osculo mediante Quod et factum est in presentia premissorum Si vero viderit dictus Episcopus ecclesiam Wigornie reconciliandam eo quod nuper sine auctoritate ipsius fuerit reconciliata libere eam reconciliet dum tamen sine prejudicio monachorum Injunxerunt etiam provisores partibus in virtute prestiti sacramenti ut in singulis capitulis fideliter ordinationem premissam observent statuentes nihilominus ipsam futuris temporibus ab episcopis et monachis Wigornie qui pro tempore fuerint inperpetuum observandam Si quid vero in contentionibus jam motis forsitan fuerit omissum iidem provisores hoc ordinationi sue plenaria reservarunt Huic igitur ordinationi in scriptis redacte apposuerunt sigilla sua dicti provisores injungentes dictis Episcopo et Conventui ut et ipsi signa sua apponant et Priorem cum creabitur inducant similiter ad consentiendum premissis et quod eque sigillum suum apponat Actum in capitulo Wigornie anno Domini MCXXII[I]J die Jovis proxima post festum Sancti Michaelis