Charter Document - 06780001
| Charter Number: | 06780001 |
|---|---|
| Cartulary Title: | Registrum sive Liber Irrotularius et Consuetudinarius Prioratus Beatæ Mariæ Wigorniensis [Worcester] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1154 - 1189 |
| Date type: | Assigned |
| Resource Link(s): |
|
Charter:
Ego Hugo filius Osberti adicio ad elemosinam patris mei de Burestun quam dedit Deo et Sancte Dei genitrici Marie in Wircester hanc libertatem pro anima mea et parentum meorum In primis perdono geldum Regis de altera hida perpetualiter ita ne amplius gelent nisi pro una hida Deinde omnes consuetudines meas et servicia quas de illa villa ad Bureford pertinebant et Hundredum et Halimot deinceps inperpetuum dona Priori et Monachis de Wirecestria pro redemptione anime mee Ita tamen ut si etiam propter querelam alicujus extranee provincie hominis necesse fuerit in Halimot de Bureford placitare de latrocinio aut rapina et homo de Burestun cadit in foris facturam habeat Prior ipsam foris facturam quam ego ibi debebam habere meo dono deinceps inperpetuum et ut breviter omnia concludam ipsam sepe nominatam villam Burestunam do Priori et Monachis de Wyrecester ita liberam et quietam ab omnibus exactionibus sicut ego de Domino meo Rege Henrico eam teneo cum saca et soca et tol et team et omnibus ad me pertinentibus Ego Hugo hanc meam munificentiam meo sigillo et cum signo crucis corroboro et hii sunt testes