Charter Document - 06770017
| Charter Number: | 06770017 |
|---|---|
| Cartulary Title: | Registrum Cartarum Conventus de Holne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1276 - 1277 |
| Date type: | Assigned |
| Resource Link(s): |
|
Charter:
Johannes episcopus servus servorum Dei dilectis filiis priori et fratribus domus de Holne ordinis Beate Marie de Monte Carmeli Dunelmensis dioecesis salutem et apostolicam benedictionem Cum a nobis petitur quod justum est et honestum tam vigor equitatis quam ordo exigit rationis ut id per sollicitudinem officii nostri ad debitum perducatur effectum sane vestra petitio nobis exhibita continebat quod nobiles viri Willielmus et Johannes ac Willielmus domini de Vescy Dunelmensis dioecesis cupientes terrena pro celestibus et transitoria pro eternis salubriter commutare quendam locum situm in nemore de Alnewyk ejusdem dioecesis tunc ad ipsos pleno jure spectantem pro oratorio domibus officinis et aliis vobis necessariis prout vobis ex indulto sedis apostolice competebat et competit edificandis ibidem vobis contulerunt intuitu pietatis prout in patentibus litteris inde confectis dictorum nobilium virorum sigillis munitis plenius dicitur contineri Nos itaque vestris supplicationibus inclinati vos personas ecclesiam res alias locum vestrum in quem habitatis ad presens vel inhabitabilis in futurum cum omnibus juribus et pertinentiis ac etiam omnibus dictis perpetuis libertatibus et gratiis in dicto dominio de Alnewyk per nobiles viros antedictos vobis concessis seu per heredes suos assignatos vel heredum suorum assignatos aut etiam per omnes alios ad quorumcumque manus devenerit vobis vel vestris impostorum concedendis ratificatis confirmamus et presentis scripti patrocinio communimus Si qui autem premissis vel alicui premissorum in aliquo contravenerint vel contra venientibus favorem aut auxilium prebere presumpserint ipsos tam contravenientes quam contra venientibus favorem aut auxilium prebentes sententia excommunicationis majoris volumus subjacere super qua nullus habeat auctoritatem dispensandi absque Romano Pontifice preterquam in mortis articulo duntaxat excepto ita tamen quod parti lese primitus satis fiat Nulli ergo omnino hominum liceat hanc paginam nostre confirmationis infringere vel ei ausu temerario contraire Si quis autem hoc attemptare presumpserit indignationem Omnipotentis Dei et Beatorum Petri et Pauli Apostolorum ejus se noverit incursurum []