Charter Document - 06770015
| Charter Number: | 06770015 |
|---|---|
| Cartulary Title: | Registrum Cartarum Conventus de Holne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1340 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gratia Rex Anglie et Francie et dominus Hibernie omnibus ad quos presentes littere pervenerint salutem Licet de communi consilio regni nostri statutum sit quod non liceat viris religiosis seu aliis ingredi feodum alicujus ita quod manum mortuam deveniat sine licentia nostra et capitalis domini de quo res illa immediate tenetur de gratia tamen nostra speciali concessimus et licentiam dedimus pro nobis et heredibus nostris quantum in nobis est dilecto nobis Thome Heryng de Howyk quod ipse viginti solidatus redditus cum pertinentiis exeuntes de quarta parte molendini de Howyk dare possit et assignare dilectis nobis in Christo priori et fratribus de ordine fratrum Carmelitorum de Holne juxta Alnewyk habendas et tenendas sibi et successoribus suis de capitalibus dominis feodi illius per servitia inde debita et consueta inperpetuum Et eisdem priori et fratribus quod ipsi redditum predictum eum pertinentiis a prefato Thoma recipere possint et tenere sibi et successoribus suis predictis de capitalibus dominis feodi illius per servitia predicta inperpetuum sicut predictum est tenore presentium similiter licentiam dedimus specialem statuto predicto non obstante Nolentes quod predictus Thomas vel heredes sui aut prefati prior et fratres seu successores sui ratione statuti predicti per nos vel heredes nostros aut ministros nostros quoscumque occasio nentur inde in aliquo seu graventur In cujus rei testimonium has litteras nostras fieri fecimus patentes Teste me ipso apud Westmonasterium quinto die Maij anno regni nostri Anglie quarto decimo regni vero nostri Francie primo