Charter Document - 06770014
| Charter Number: | 06770014 |
|---|---|
| Cartulary Title: | Registrum Cartarum Conventus de Holne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1339 |
| Date type: | Internal, A.D., Feast |
| Resource Link(s): |
|
Charter:
Hec indentura testatur quod Thomas Heryng de Howyk dedit concessit et hoc presenti scripto indentato confirmavit pro se et heredibus suis et suis assignatis seu heredum suorum assignatis divine caritatis intuitu et pro salute anime sue et antecessorum suorum priori et fratribus ordinis Beata Marie de Monte Carmeli apud Holne et eorum successoribus inperpetuum Deo et Beata Maria famulantibus viginti solidos legalium sterlingorum annui redditus ad inveniendum et sustentandum ornamenta ecclesie de Holne in puram et perpetuam elemosinam percipiendos et habendos predictis priori et fratribus et eorum successoribus inperpetuum singulis annis in festo Annuntiationis Virginis gloriose sine contradictione impedimento seu dilatione quacumque de quarta parte sua molendini aquatici de Howyk se et heredes suos contingente ad quorumcumque manus dicta quarta pars molendini contigerit devenire Habendum et tenendum eisdem priori et fratribus de Holne et eorum successoribus inperpetuum de se et heredibus suis et suis assignatis seu heredum suorum assignatis ita libere et pacifice et quiete sicut aliqua elemosina in partibus Northumbria plenius liberius et quietius datur conceditur et possidetur Et si contingat quod predictus redditus predictorum viginti solidorum ad aliquem terminum in toto vel in parte a retro fuerit vult et concedit pro se et heredibus suis et suis assignatis seu heredum suorum assignatis ad ostensionem predictorum prioris et fratrum quod ballivi domini de Percy domini feodi illius capitalis et heredum suorum seu suorum assignatorum in auxilium predictorum prioris et fratrum predictum molendinum ingrediantur et districtiones faciant et retineant quousque predictis priori et fratribus de predicto redditu seu de arreragiis si que fuerint plenaria fuerit satisfactum Et ad satisfactionem predicti annui redditus in forma predicta obligat se et heredes suos et suos assignatos seu heredum suorum assignatos et omnes terras suas et tenementa que habent in die confectionis hujus scripti indentati in villa et in territorio de Howyk ad quorumcumque manus in posterum devenerint ad districtionem ballivorum predictorum in forma predicta Et dictus Thomas Heryng de Howyk et heredes sui et sui assignati seu heredum suorum assignati predictis priori et fratribus de Holne et eorum successoribus inperpetuum dictam donationem concessionem et confirmationem predictorum viginti solidorum singulis annis inperpetuum sub titulo pie et perpetue elemosine annuatim percipiendorum de supradicta quarta parte sua molendini aquatici predicti contra omnes homines mortales warantizabunt acquietabunt et inperpetuum defendent In cujus rei testimonium huic presenti indenture penes predictos priorem et fratres de Holne residenti sigillum predicti Thoma est appensum alteri vero parti hujus indenture penes predictum Thomam residenti sigillum commune predictorum prioris et fratrum de Holne est appensum Hiis testibus domino Henrico de Percy capitali domino feodi illius domino Johanne de Ottelay tunc abbate domino Waltero Crayk domino Johanne de Lylleburne domino Edmundo de Craucester militibus Roberto de Tughale Henrico de Swynhow et multis aliis Data apud Alnewyk anno Domini millesimo trescentesimo tricesimo nono in festo Assumptionis Virginis gloriosa