Charter Document - 06770012
| Charter Number: | 06770012 |
|---|---|
| Cartulary Title: | Registrum Cartarum Conventus de Holne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1280 - 1300 |
| Date type: | Assigned |
| Resource Link(s): |
|
Charter:
Omnibus Christi fidelibus hanc cartam visuris vel audituris Walterus de Witthill filius et heres Gilberti de Witthill salutem in Domino sempiternam Noveritis me pro salute anima mea et Alicia uxoris mee necnon Gilberti patris mei et Alicia matris mea et omnium parentum predecessorum et successorum meorum et omnium fidelium defunctorum concessisse dedisse et hac presenti carta mea confirmasse Deo et fratribus ordinis Beata Maria de Monte Carmeli apud Holn commorantibus in puram et perpetuam elemosinam dimidiam marcam legalium sterlingorum annui redditus percipiendos singulis annis inperpetuum dictos denarios ad duos anni terminos scilicet medietatem ad festum Sancti Martini in hieme et aliam medietatem ad festum Pentecostes de terra illa quam Adam filius Bryan de Howyk et Leticia uxor ejus quondam tenuerunt ad cujuscumque manus predicta terra devenerit Habendum et tenendum eisdem fratribus de Holne qui pro tempore fuerint et eorundem successoribus inperpetuum adeo liberrime pacifice integre et solute sicut aliqua elemosina liberius integrius pacificus et magis solute in comitatu Northumbria datur possidetur aut tenetur Ego vero dictus Walterus et heredes mei vel assignati mei predictam dimidiam marcam annui redditus de predicta terra percipiendam singulis annis inperpetuum ad terminos prenominatos contra omnes mortales warantizabimus acquietabimus et inperpetuum defendemus Et si contingat quod absit pro defectu mei vel heredum meorum vel assignatorum meorum solutionem predicte pecunie cessare volo et concedo quod officialis Episcopi Dunelmensis qui pro tempore fuerit compellat me vel heredes meos vel assignatos meos per censuram ecclesiasticam protectione regia non obstante ad dictam pecuniam plenaria persolvendam In cujus rei testimonium presenti carte sigillum meum apposui Hiis testibus domino Ricardo de Craucestre milite domino Thoma magistro Sancti Leonardi Willielmo de Gosewyk Ricardo de Wetewang Thoma de Brokesfeld et multis aliis