Charter Document - 06770009
| Charter Number: | 06770009 |
|---|---|
| Cartulary Title: | Registrum Cartarum Conventus de Holne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1295 |
| Date type: | Internal, A.D., Calendar |
| Resource Link(s): |
|
Charter:
Pateat universis per presentes quod ego Willielmus de Vescy filius et heres domini Willielmi de Vescy per mortem domini Johannis fratris mei primogeniti concessi et confirmavi Deo et fratribus Ordinis Beate Marie de Monte Carmeli apud Holne in Foresta de Alnewyk commorantibus totum mansum suum ibidem cum omnibus suis pertinentiis una cum annuali elemosina viginti marcarum de molendinis de Alnewyk recipiendarum cum pastura piscaria juncaria hoseboth hayboth fireboth et libero introitu et exitu per parcum et cum melle et cera inventis in foresta et in parco et cum omnibus aliis libertatibus elemosinis ac aysiamentis quas et que habuerunt de dono dominorum patris et fratris meorum prout in cartis dictorum fratrum plenius continetur Habendum et tenendum dictis fratribus et eorum successoribus in puram et perpetuam elemosinam liberum et quietum ab omnibus servitiis secularibus exactionibus et demandis inperpetuum Ita quod nec ego nec aliquis heredum vel assignatorum meorum aliquid juris vel clamii districtionis seu dominii nisi elemosine advocacionum et bonorum spiritualium participationem in dicto manso cum suis pertinentiis et aliis omnibus superius annotatis de cetero poterimus vendicare In cujus rei testimonium presentibus sigillum meum apposui Hiis testibus dominis Ada de Welles et Thoma de Arcy militibus Willielmo de Barneby rectore ecclesie de Wyerne domino Baldewyno priore de Malton domino Willielmo de Bolington rectore ecclesie de Northferyby et domino Thoma de Neusom capellano meo et aliis Data apud Tughall sexto decimo die mensis Junii anno Domini millesimo ducentesimo nonagesimo quinto