Charter Document - 06770006
| Charter Number: | 06770006 |
|---|---|
| Cartulary Title: | Registrum Cartarum Conventus de Holne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1283 - 1284 |
| Date type: | Assigned |
| Resource Link(s): |
|
Charter:
Omnibus Christi fidelibus hoc scriptum visuris vel audituris Johannes de Vescy salutem in Domino sempiternam Noverit universitas vestra me dedisse concessisse et presenti scripto meo confirmasse pro me et heredibus meis et meis assignatis seu heredum meorum assignatis divine caritatis intuitu et pro salute anime mee et antecessorum meorum et pro animabus omnium fidelium defunctorum fratribus ordinis Beate Marie de Monte Carmeli apud Holne Deo et Beate Marie famulantibus viginti marcas legalium sterlingorum in puram et perpetuam elemosinam percipiendas et habendas dictis fratribus et eorum successoribus singulis annis ad duos anni terminos de firmis molendinorum meorum de Alnewyk ad eorundem victus sustentationem et aliorum sibi necessariorum speciale subsidium videlicet decem marcas ad festum Sancti Martini in hieme et decem marcas ad festum Pentecostes Volo etiam et concedo per presens scriptum pro me et heredibus meis et meis assignatis seu heredum meorum assignatis quod dicti fratres de Holne memoratam summam pecunie et elemosine de prima annuali collectione firmari orum dictorum molendinorum ad supra notatos terminos annuales sine omni contradictione impedimento et dilatione quorumcumque vel cujuscumque per ceteris in villa de Alnewyk libere primo percipiant antequam mihi aut heredibus meis vel meis assignatis seu assignatis heredum meorum vel cuicumque alii vel aliis de eorundem collectione firmarum aliqua fiat distributio seu persolutio non obstante aliqua loci dictorum molendinorum permutatione seu destructione Volo etiam et precipio quod firmarii mei et heredum meorum et assignatorum meorum seu heredum meorum assignatorum predicta molendina tenentes qui pro tempore fuerint faciant fidelitatem predictis fratribus de predicta elemosina ipsis annuatim in forma predicta solvenda Ita quod si in solutione predicta ad aliquem terminum defecerint volo pro me et heredibus meis et assignatis meis seu heredum meorum assignatis ad ostensionem predictorum quod ballivi mei dictos firmarios distringunt ad plenariam solutionem predicte elemosine ipsis fratribus faciendam Et quod pro quibuslibet duodecim denariis elemosine qui a retro fuerint ad terminos predictos de elemosina predicta leventur ad opus meum vel heredum meorum sex denarii nomine foris facture Ego autem dictus Johannes et heredes mei et mei assignati seu heredum meorum assignati predictis fratribus de Holne et eorum successoribus dictum donationem concessionem et confirmationem dictarum viginti marcarum argenti sub titulo pire et perpetue elemosine annuatim percipiendarum contra omnes mortales per presens scriptum inperpetuum warantiznbimus acquietabimus et defendemus sicut aliqua elemosina in partibus Northumbrie plenius liberius et quietius datur conceditur et possidetur In cujus rei testimonium hoc presens scriptum sigillo meo roboravi Hiis testibus domino Thoma tunc Abbate de Alnewyk dominis Roberto de Hilton Waltero de Huntercombe Radulfo filio Rogeri Waltero de Cambhowe Johanne de Wyderington Roberto de Glanton militibus Johanne de Midelton clerico Alexandro de Neuton Johanne Heryng Roberto Hering Roberto Corth et aliis