Charter Document - 06770005
| Charter Number: | 06770005 |
|---|---|
| Cartulary Title: | Registrum Cartarum Conventus de Holne |
| Charter Language: | Latin |
| Charter Origin: | Lay |
| Charter Type(s): | Mandate |
| Date: | 1277 - 1278 |
| Date type: | Internal, A.D., Feast |
| Resource Link(s): |
|
Charter:
Johannes de Vescy firmariis molendinorum suorum de Alnewyk quocumque tempore Mandamus vobis firmiter injungentes quod cum dilecti nobis in Christo prior et fratres de Holne ordinis Beate Marie de Monte Carmeli vel eorum attornatus pro redditu suo duodecim marcarum quas ipsis in molendinis predictis in subsidium sui victus caritative concessimus annuatim habendo inperpetuum ad vos venerint ad terminos anni consuetos medietatem ipsius redditus quemlibet terminum proportionaliter contingentem hiis fratribus vel eorum attornato sine aliqua dilatione ulteriori solvatis nulla inhibitione obstante seu mandato facto seu faciendo per nos heredes nostros vel alios quoscumque nomine nostro quominus vel tardius ipsis fiat solutio predicti redditus ad terminos statutos medietatem scilicet ad Pentecosten et alteram medietatem ad festum Beati Martini in hieme capientes ad quemlibet terminum de predictis priore et fratribus litteram suam patentem solutionem vestram ipsis factam testificantem ut per litteram illam vobis fiat allocatio super compotum In cujus rei testimonium has litteras eisdem fecimus patentes sigillo nostro munitas pro nobis et heredibus nostris inperpetuum duraturas Datum Alnewyk in festo Purificationis Beate Virginis Marie anno Domini millesimo ducentesimo septuagesimo septimo