Charter Document - 06770002

Omnibus Christi fidelibus hoc scriptum visuris vel audituris Johannes de Vescy salutem in Domino Noveritis me dedisse concessisse et hec presenti scripto meo confirmasse pro salute anime mee et predecessorum meorum et pro animabus omnium fidelium defunctorum fratribus ordinis Beatre Marie de Monte Cameli in foresta mea de Alnewyk Deo et Beate Marie servientibus et inperpetuum servituris totam aream suam que vocatur Holn cum oratorio et edificiis in eadem constructis seu construendis sicut in longitudine et latitudine clausura per rectas divisas suas circumquaque jacet munita quam dominus Willielmus de Vescy quondam pater meus ipsos primo inhabitare permisit et possessionaliter ibidem instituit Habendum de me et heredibus meis eisdem fratribus in puram et perpetuam elemosinam cum libero introitu vectura et exitu sibi et suis et aliis causa devotionis loco suo venientibus per omnes vias et semitas antiquitus usitatas in foresta circumquaque tendentes ad villas propinquas seu remotas sibi necessarias et oportunas quandocumque indiguerint et voluerint adeo libere quiete honorifice bene et in pace sicut aliqua elemosina in regno Anglie liberius quietius et honorificentius aliquibus datur conceditur confirmatur et possidetur Volo etiam et concedo pro me et heredibus meis eisdem fratribus quod capiant in eadem foresta maeremium per visum et liberationem forestariorum ad edificia sua construenda et etiam vetera ligna in domibus suis comburenda et ad calcem exterius coquendam et ad carbones comburendos in ecclesia sua tempore hiemali necessarios prout eorum necessitas expostulaverit per visum forestariorum Habeant etiam iidem fratres liberam piscariam ad pisces capiendos in aqua de Alne tam infra parcum quam extra et liberum lapi fodiam ad petras frangendas extrahendas et domui sue vehendas cum libera porta exeundi ad eadem loca et redeundi Habeant etiam unum molendinum super aream suam constructum in quo bladum suum sine multura liberius faciant molere et cursum aque in magna aqua de Alne ad illud molendinum defluentem per illam fossam quam dicti fratres ad hoc in foresta foderunt una cum stagno ad cursum aquaticum recipiendum per ipsos preparato et incluso Ita tamen quod molendarii ipsorum fratrum sacramentum ballivis nostris prestent annuatim quod aliquem forinsecum ad bladum ibidem molendum minime admittant Et habeant in predictis foresta et parco libera pascua animalibus sibi deputatis necessaria videlicet sex bobus et duobus equis et duobus asinis Ita scilicet quod predicta animalia custodiantur et teneantur per certum custodem inter aquam de Alne et cos teram parci borealem in longitudine de gardino ipsorum fratrum versus occidentem usque ad stagnum Volo etiam quod predicti fratres habeant omnes apes silvestres cum fructibus suis melle scilicet et cera in Walsowhe et in Holn tam in parco quam in foresta inventas ad perpetuam sustentationem luminis sum ecclesie Et ne super dictarum apium mellis et cere captione seu collectione dictis fratribus aliqua fiat defraudatio seu alienatio volo quod principalis forestarius ceteros forestarios firmiter et districte moneat et precipiat ut omnia ipsarum apium loca in predictis foresta et parco inventa tam inveniendo quam in acquirendo ad eorundem fratrum profectum sine omni dolo contradictione et impedimento sint solliciti et fideles Insuper concedo quod dicti fratres ad sui sustentationem in burgo meo de Alnmouth libere possint annuatim emere unam lastam allecis eodem foro sicut et burgenses emunt sine omni impedimento vel contradictione ballivorum vel etiam burgensium tempore scilicet captionis allecis quando eis melius videbitur expedire Ego vero predictus Johannes et heredes mei predictam aream de Holn cum oratorio et ceteris edificiis necnon et ceteras libertates supra concessas et notatas predictis fratribus de Holn in puram et perpetuam elemosinam contra omnes mortales inperpetuum warantizabimus et defendemus Et ut hec mea donatio concessio et confirmatio rata stabilis et semper inconcussa permaneat presens scriptum sigillo meo corroboravi Hiis testibus domino Willielmo tunc Abbate de Alnewico domino Roberto de Hilton milite domino Radulpho filio Rogeri milite domino Waltero de Cambo milite domino Radulpho Gaugy milite domino Roberto de Were milite domino Johanne de Wyderyngton milite domino Willielmo de Middelton milite Gilberto de Withil Johanne Heryng Johanne de Midelton Philippo de Brokesfelde et multis aliis