Charter Document - 06762188
| Charter Number: | 06762188 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Threat |
| Date: | 1283 |
| Date type: | Assigned |
| Resource Link(s): |
Reference Document for this Embedded Document |
Charter:
Cum religiosi viri abbas et conventus Sagienses jus patronatus ecclesie de Duduylbery Herefordensis dyoecesis et quicquid juris in eadem ecclesia habebant vel habere potuerint in venerabiles et discretos viros dominum decanum et capitulum Herefordenses dudum transtulissent recipientes singulis annis de fructibus ejusdem ecclesie iidem abbas et conventus ex antiqua ordinacione decem marcas sterlingorum per manus decani et capituli supradictorum ac religiosi viri abbas et conventus Salopie dictis decano et capitulo in curia domini regis Anglie super patronatu dicte ecclesie nunc moveant questionem ego Lucas de Bre thesaurarius Herefordensis procurator predictorum decani et capituli nomine eorundem et meo denuncio vobis domino abbati Sagiensi et per vos conventui vestro quod vos domine abbas et conventus Sagienses quorum interest et a quibus dicti decanus et capitulum causam in ecclesia habent memorata per vos vel per procuratorem legitimum defensioni cause supradicte coram justiciariis domini regis et alibi ubi necesse fuerit eisdem decano et capitulo assistatis et intersitis causam supradictam secundum juris exigenciam defensuri [] Instrumenta vero cartas defensionis et munimenta vestra prompta habeatis et queratis et omnia que ad deffensionem cause vobis et nobis credideritis profutura et denuncio vobis domino abbati et per vos conventui vestro nomine predictorum decani et capituli et meo quod si ecclesiam predictam a dicto decano et capitulo quod absit evinci contingat iidem decanus et capitulum contra vos de eviccione agent et de warancia et similiter pro omnibus dampnis et interesse que pro defectu vestro incurrent protestor eciam nomine procuratorio dominos meos in solucione pensionis predicte decem marcarum de cetero cessaturos quousque de lite finaliter constiterit inchoata Qua denunciacione sic eidem abbati per predictum procuratorem facta et eciam dum legebatur coram ipso respondebat et dicebat quod ad hoc venerat ibidem Actum Parisiis in palacio domini regis Francie presentibus magistris Sutolao de Wasem canonico Lincolyensi Richardo rectore ecclesie de Pydlesden et Johanne de Hediers clericis ad hoc vocatis testibus Ego Rogerus dictus Carnifex clericus Parisiis publicus auctoritate sedis apostolice notarius premissis interfui scripsi publicavi rogatus a dicto procuratore nunc subscripsi et signum meum apposui