Charter Document - 06761192
| Charter Number: | 06761192 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1285 |
| Date type: | Internal, Calendar, Regnal |
| Resource Link(s): |
Reference Document for this Embedded Document |
Charter:
Edwardus Dei gracia [] vicecomiti Herefordie salutem Ex parte venerabilis patris Ricardi Herefordensis episcopi nobis est ostensum quod cum ipse et predecessores sui episcopi per cartas progenitorum nostrorum regum Anglie habere debeant omnes illos qui infangenethef et utfangenethef dicuntur infra libertatem episcopatus illius attachiatos et in prisona ipsius episcopi imprisonari et per consideracionem curie ejusdem deliberari debeant Reginaldus Maniword Willelmus Hamelyn et Johannes de Hulle ballivi civitatis predicte et alii cives licet eis pluries mandaverimus quod prefatum episcopum libertate illa uti et gaudere permitterent libertatem illam eis appropriare intendentes hujusmodi infangenethef et utfangenethef infra libertatem predicti episcopi in suburbio Herefordie attachiant et attachiatos imprisonant et eos ballivis ipsius episcopi licet super hoc requisiti fuerint liberare contradicunt in prejudicium et lesionem libertatis ipsius episcopi et mandatorum nostrorum contemptum manifestum Nos igitur eidem episcopo injuriari nolentes in hac parte tibi precipimus quod in propria persona tua accedas ad civitatem predictam et prefatos ballivos et cives ex parte nostra moneas et sufficienter inducas quod eundem episcopum libertate predicta uti et gaudere permittant prout ipse et predecessores sui episcopi ejusdem loci ea usi sunt et gavisi temporibus retroactis et ea que minus rite per eos attemptata sunt in premissis sine dilacione faciant emendari alioquin eisdom ballivis et civibus scire facias quod sint coram nobis a die sancti Michaelis in unum mensem ubicumque fuerimus in Anglie ostensuri si quid per se habeant quare idem episcopus uti et gaudere non debeat libertate supradicta et habeas ibi hoc breve Teste me ipso apud Ledes xvij die Julii anno regni nostri xiij