Charter Document - 06761185

In Dei nomine Amen Anno Domini MCCLXXX secundo die Jovis proxima post festum sancti Martini in capitulo ecclesie Herefordensis nos Johannes decanus et ejusdem loci capitulum dicimus et protestamur quandam litteram esse presentatam sigillatam ut dicitur sigillo domini Cantuariensis archiepiscopi patentem per magistrum Adam de Hales clericum et familiarem domini archiepiscopi supradicti asserentem quod ipsa littera inter cetera continebat quod idem dominus archiepiscopus crastinum festi beati Nicholai proximum nobis terminum prefigebat ad recipiendum eum in visitacione metropolitana quam exigit a nobis et dicit se velle exercere in nos decanum et capitulum ecclesiam cathedralem civitatem et dioecesim Herefordensem sede vacante Ante cujus littere inspeccionem nos predicti decanus et capitulum sencientes nos gravatos ex prefixione seu assignacione termini supradicti nomine nostro et ecclesie nostre Herefordensis ad dictum papam et sedem apostolicam in hiis scriptis appellamus et apostolos instanter petimus Et de ipsis petendis quamprimum copiam dicti domini archiepiscopi habere poterimus protestamur quos si denegaverit appellamus ut prius et provocamus supponentes nos omnes et singulos ecclesiam Herefordensem cum pertinenciis et juribus suis dignitates prebendas beneficia res jura bona nostra et ecclesie et cujuslibet nostrum ubicumque et in quibuscumque rebus consistant tuicioni et proteccioni domini pape et sedis apostolice supradicte metuentes nobis ex predictis et verisimilibus aliis conjecturis quod prefatus archiepiscopus vel aliquis ipsius vices gerens velit nos indebite molestare Et ne in nos aut aliquem nostrorum aut ecclesiam nostram vel bona nostra aut familiares nostros aut adherentes nobis suspensionis excommunicacionis vel interdicti sentencias per se vel alium vel alios auctoritate ejus vel mandato proferat vel proferre faciat vel demandet aut aliquid contra nos attemptet diffiniat statuet gravet vel molestet in hiis scriptis provocamus et appellamus dominum papam et sedem apostolicam supponentes nos et bona nostra tuicioni domini pape ut patris