Charter Document - 06760222
| Charter Number: | 06760222 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1318 |
| Date type: | Internal, A.D., Calendar, Papal |
| Resource Link(s): |
|
Charter:
In Dei nomine Amen Anno ab incarnacione ejusdem MCCCXVIJ mensis Februarii die vicesima sexta pontificatus sanctissimi patris et domini nostri domini Johannis divina providencia pape xxij anno secundo constituti personaliter in mei notarii publici presencia et testium subscriptorum parochiani de Maddeleye et saltim majores ejusdem parochie videlicet Walterus de Dunre Philippus de Ypre Ricardus de Lulham Walterus Cole Willelmus Bernard magister Willelmus de Brugge canonicorum Walterus le Waldebeof de Bromptone Rogerus de la Hide Hugo de Wormle Henricus Fot Willelmus Dynne Willelmus de Castro et Ricardus de Medemore coram venerabilibus viris dominis decano et capitulo ecclesie cathedralis Herefordie ac venerabili viro magistro Ricardo de Vernoun officiali Herefordensi ac eciam commissario ad ordinandum et disponendum de oblacionibus cuidam ymagini beate Marie virginis gloriose stanti infra hostium ipsius ecclesie ex parte boreali truncoque sub ejusdem pedibus existenti pro hujusmodi oblacionibus ibidem provenientibus deponendis et in ipsorum laicorum manibus per non modica tempora existentibus ad opus et fabricam novi cancelli ecclesie per venerabilem patrem dominum Adam [] unacum predictis decano et capitulo specialiter deputato comparuerunt et ab eisdem dominis et capitulo ac officiali et commissario pluries interrogati et eciam requisiti utrum aliquod jus haberent seu vendicarent in oblacionibus supradictis et ab eisdem ut premittitur diu receptis responderunt nomine suo et eciam publice fatebantur se nullum jus habere nec aliquid juris vendicare posse in ipsis oblacionibus percipiendis seu eciam retinendis nisi de gracia speciali illius seu illorum ad quem vel ad quos hujusmodi oblaciones de jure pertinere noscuntur juri eciam si quod habuerint hujusmodi oblaciones percipiendi expresse renunciantibus quocumque colore quesito Acta sunt hec in majori ecclesia Herefordensi anno mense die indiccione et pontificatu predictis presentibus discretis viris et magistris Willelmo de Castro Ricardi Willelmo Hyntes et Willelmo de Fowehope clericis et multis aliis testibus ad premissa vocatis specialiter et rogatis