Charter Document - 06760220
| Charter Number: | 06760220 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1314 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gracia rex Anglie dominus Hibernie et dux Aquitanie omnibus ad quos presentes littere pervenerint salutem Licet de communi consensu regni nostri statutum sit quod non licet viris religiosis seu aliis ingredi feodum alicujus ita quod ad manum mortuam deveniat sine licencia nostra et capitalis domini de quo res illa immediate tenetur per finem tamen quem magister Robertus de Gloucestrie fecit nobiscum concessimus et licenciam dedimus pro nobis et heredibus nostris quantum in nobis est eidem Roberto quod ipse viginti solidatas redditus cum pertinenciis in Herefordie dare possit et assignare dilectis nobis in Christo decano et capitulo ecclesie sancti Ethelberti Herefordie habendum et tenendum eisdem decano et capitulo et successoribus suis inperpetuum ad obitum ejusdem Roberti singulis annis in ecclesia predicta inde faciendum Et eisdem decano et capitulo quod ipsi redditum predictum cum pertinenciis a prefato Roberto recipere possint et tenere sibi et successoribus suis predictis inperpetuum ad obitum ejusdem Roberti singulis annis in ecclesia predicta inde faciendum sicut predictum est tenore presencium similiter licenciam dedimus specialem nolentes quod prefatus Robertus vel heredes sui aut prefati decanus et capitulum vel successores sui racione statuti predicti per nos vel heredes nostros inde occasio nentur in aliquo seu graventur salvis tamen capitalibus dominis feodi illius serviciis inde debitis et consuetis In cujus rei testimonium has litteras nostras fieri fecimus patentes Teste me ipso apud Eborum vicesimo sexto die Septembris anno regni nostri octavo pro fine viginti solidorum