Charter Document - 06760219
| Charter Number: | 06760219 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1314 |
| Date type: | Internal, A.D., Feast |
| Resource Link(s): |
|
Charter:
Sciant presentes et futuri quod ego Robertus de Gloucestrie cancellarius ecclesie sancti Ethelberti Herefordie pro salute anime mee et animarum antecessorum meorum dedi concessi et hac presenti carta confirmavi Deo et ecclesie sancti Ethelberti Herefordie et decano et capitulo ejusdem ecclesie viginti solidatas redditus cum pertinenciis in Herefordie ad obitum meum singulis annis inperpetuum in dicta ecclesia inde faciendum percipiendas de tenementis Ade de Wychefelde que tenementa jacent in vico qui vocatur Byhinde the walle inter tenementum Hugonis de Monytone ex parte una et tenementum quod magister Johannes de Ros canonicus Herefordensis tenet ex parte alia habendas et tenendas prefato decano et capitulo et successoribus suis inperpetuum libere integre bene et in pace faciendo inde obitum meum singulis annis die sancti Quintini in ecclesia sancti Ethelberti predicta inperpetuum pro omni servicio exaccione et demanda Et ego predictus Robertus et heredes mei totum predictum redditum cum pertinenciis predictis decano et capitulo et successoribus suis [] warantizabimus Et nos predicti decanus et capitulum obligamus nos [] ad predictum obitum faciendum singulis annis die predicto in ecclesia nostra secundum formam que sequitur videlicet quod canonici habeant duas partes dicti redditus vicarii et clerici chori terciam partem In cujus rei testimonium presenti scripto sigillum meum et sigillum predictorum decani et capituli alternatim sunt appensa Datum Herefordie die beati Quintini martiris anno Domini MCCC quarto decimo