Charter Document - 06760217
| Charter Number: | 06760217 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1309 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis [] Ricardus permissione divina Herefordensis episcopus [] Ad universitatis vestre noticiam volumus pervenire quod cum bone memorie Johannes le Bretun quondam episcopus Herefordensis predecessor noster ad augmentum cultus divini et sustentacionem ministrorum altissimo serviencium in ecclesia Herefordensi predicta per litteras suas patentes discretis viris decano et capitulo Herefordensi ecclesias de Holemare Longastaunton et de la Pipe nostre dioecesis quarum jus patronatus tunc ad ipsos spectabat et adhuc spectare dinoscitur concessisset eisdem decano et capitulo et successoribus suis in proprios usus perpetuo possidendas nos attendentes affeccionem laudabilem et studium pietatis predecessoris nostri predicti in premissis et quod in in litteris predictis ipsius predecessoris nostri quidam defectus continentur quorum pretextu decanus et capitulum ecclesie predicte possent futuris temporibus super appropriacione ecclesiarum predictarum forsitan molestari cupientesque ut hii qui devote Deo serviunt in Herefordensi ecclesia memorata in Dei servicio conveniencius sustententur necnon et quod eorundem decani et capituli securitati et quieti in hac parte provideatur concessionem et appropriacionem predictas eciam si ab inicio minus plene facte fuissent concurrentibus omnibus que de jure in hac parte requiruntur auctoritate pontificali in Dei nomine suplemus approbamus et confirmamus omnes defectus in dictis litteris predecessoris nostri contentos concedentesque pro nobis et successoribus nostris quantum in nobis est predictis decano et capitulo quod ipsi et successores sui de fructibus proventibus et obvencionibus earundem ecclesiarum disponant et ordinent prout ad honorem ecclesie predicte et augmentacionem cultus divini in eadem melius eis videbitur expedire In cujus rei [] Datum apud Bosebury decima die mensis Junii anno Domini millesimo trecentesimo nono et nostre ordinacionis vicesimo septimo