Charter Document - 06760215
| Charter Number: | 06760215 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Lay |
| Charter Type(s): | Surrender |
| Date: | 1308 |
| Date type: | Internal, A.D., Feast |
| Resource Link(s): |
|
Charter:
Notum sit omnibus tam presentibus quam futuris quod ego Johannes Lightfot civis Herefordensis remisi relaxavi et omnino pro me et heredibus meis et meis assignatis quietum clamavi inperpetuum decano et capitulo ecclesie sancti Ethelberti Herefordensis et eorum successoribus omnimodas acciones querelas seu demandas quas habeo habui seu habere potero versus ipsos racione cujuscumque debiti vel contractus feodi salarii vel pensionis seu transgressionis cujuscumque inter ipsos decanum et capitulum et me illate a principio mundi usque ad diem confeccionis presencium salvo michi jure meo de duobus panibus canonicalibus cotidie de communi pistrino eorundem decani et capituli apud Herefordiam percipiendis ad totam vitam meam tantummodo et salvis michi duobus scriptis per dictos decanum et capitulum inde michi prius confectis salva eciam michi quadam littera acquietancie dictorum decani et capituli de omnimodis compotis reddendis et eciam salvis michi juribus de terris et tenementis excepto jure de terris et tenementis in Mora Canonicorum quod quidem jus meum de terris et tenementis in predicta Mora Canonicorum quietum clamavi eisdem per aliud scriptum meum ita quod nec ego nec heredes mei nec aliquis nomine meo aliquod jus vel clamium in aliquo debito sive feodo contractu salario pensione seu transgressionibus quibuscumque inter ipsos decanum et capitulum et me illatum decetero versus predictos decanum et capitulum seu eorum successores aliquo modo arte vel ingenio habere exigere clamare vel vendicare poterit inperpetuum salvo michi jure meo de duobus panibus canonicalibus cotidie de communi pistrino eorundem decani et capituli percipiendis [] In cujus rei [] Hiis testibus Willelmo Godknave Gilberto Blod Thoma de la Barre Johanne Pride Ricardo Moniwood Waltero Cope Nicholao Iweyn Hugone Crone Johanne de Maddeleye Willelmo de Welyntone Rogero le Taylour Rogero de Brunhope et multis aliis Datum Herefordie die Veneris proxima post festum sancti Jacobi apostoli anno Domini millesimo trecentesimo octavo