Charter Document - 06760210
| Charter Number: | 06760210 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1303 |
| Date type: | Internal, A.D., Calendar |
| Resource Link(s): |
|
Charter:
Robertum de Ros canonicus ecclesie Londoniensis venerabilis patris domini Robertus Dei gracia Cantuariensis archiepiscopi [] ad rescribendum in causis et negociis ad curiam Cantuariensem devolvendas commissarius discreto viro officiali Herefordensi salutem in salutis auctore Sua nobis procurator domini Willelmi devoti capellani quandam perpetuam cantariam pro anima domini Johannis Bacun quondam canonici Herefordensis in eadem Herefordensi ecclesia canonice optinentis peticione monstravit quod cum idem Willelmus religiosos viros abbatem et conventum monasterii sancti Jacobi de Wygemor Herefordensis dyoecesis super quinque marcis annuis eidem Willelmo nomine cantarie predicte a dictis religiosis viris juxta formam cujusdam composicionis licite inter ipsos religiosos et prefatum Johannem dum vixerat inite debitis et tam dicto Willelmo quam eciam suis predecessoribus in cantaria predicta per eosdem religiosos diucius persolutis et per eosdem religiosos injuriose subtractis coram vobis auctoritate ordinaria cognoscentibus traxisset in causam vos instrumento composicionis predicte vobis ostenso partem dictorum religiosorum ad certos diem et locum ydoneos ad precise et peremptorie proponendum docendum et ostendendum quare ad solucionem dictarum quinque marcarum juxta vires et effectum composicionis predicte non deberent compelli et per quamcumque censuram ecclesiasticam coherci peremtorie coram vobis citari fecistis cumque iidem religiosi ad eosdem diem et locum minime comparentes nichil pro se contra composicionem premissam seu eciam contra citacionem hujusmodi quare non deberent ad premissa compelli per se vel per alium proposuissent nec aliqualiter ostendissent dictus Willelmus cum instancia debita postulavit ut juxta hujusmodi citacionis effectum viam ulterius quamcumque super hoc proponendam contra premissa precluderet is eisdem et Willelmo super hoc quod jus exigit faceretis sed vos id facere aut eidem Willelmo in hac parte justiciam exhibere denegastis expresse ac eciam acta judicialia in dicta causa habita coram vobis rei geste continencia veritatem in puplicam formam redigere et vestro ut moris est communire sigillo denegastis injuste licet fuissetis super hoc congrue cum instancia debita requisiti unde pars ipsius Willelmi senciens ex hiis et eorum quolibet per vos indebite se gravari ad curiam Cantuariensem legitime appellavit Quare vobis inhibemus et tam dictis religiosis quam ceteris quibus est inhibendum per vos inhibentes mandamus ne dicta appellacionis causa in curia Cantuariensi pendente quicquam hac occasione in dicte partis appellantis attemptetis vel attemptent quominus eidem appellanti libere pateat suam appellacionem prosequendi facilitas Citetis eciam seu citari faciatis peremptorie dictos religiosos partem ut pretangitur appellantem quod compareant coram commissario dicti patris in ecclesia beate Marie de Arcubus Londoniis proximo die juridico post octavas sancti Hyllarii facturi et recepturi in dicta causa quod justicia suadebit De die vero recepcionis presencium [] Datum Londoniis tercio kalendas Decembris anno Domini MCCC tercio