Charter Document - 06760208
| Charter Number: | 06760208 |
|---|---|
| Cartulary Title: | Charters and Records of Hereford Cathedral |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1298 |
| Date type: | Internal, A.D., Feast |
| Resource Link(s): |
|
Charter:
Omnibus [] decanus et capitulum Herefordensis ecclesie salutem in Domino sempiternam Cum discretus vir magister Alanus de Creppinge juris civilis professor concanonicus et confrater noster pro salute anime sue et pro animabus patris et matris sue et pro animabus omnium benefactorum suorum necnon et omnium fidelium defunctorum dederit Deo beate Marie Dei genitrici beato Ethelberto ecclesie nostre Herefordensi et nobis sex volumina juris canonici videlicet decretum apparatum summam domini archiepiscopi Ebredunensis que appellatur copiosa lecturam domini Hostiensis super decretalibus in duobus voluminibus lecturam domini Innocencii pape super eisdem et lecturam magistri Petri de Salinis super decreto sub hac forma quod nullum eorum alienetur nec ex civitate Herefordensi portetur sub pena excommunicacionis quam in contravenientes competenti monicione premissa procurabimus per venerabilem patrem dominum nostrum Herefordensem episcopum vel per dominum Hugonem laudabilem fratrem nostrum penitenciarium ecclesie nostre solempniter promulgari nos volentes pro hujusmodi devocione eidem beneficium spirituale rependere concedimus quod inperpetuum omni anno in crastino beati Mathie apostoli fiat de communibus bonis nostris solemne anniversarium pro anima dicti magistri Alani [] et quod canonicis presentibus in dicto anniversario distribuantur de dictis bonis nostris communibus due marce sterlingorum et clericis chori una marca In cujus rei [] Datum Herefordie in crastino beati Mathie apostoli quando primum fuit celebratum dictum anniversarium anno Domini MCC nonagesimo septimo